The Salted Pig (新都會廣場) (已結業)

今晚去咗葵芳食Salted Pig，覺得佢啲嘢大大碟又夠味，氣氛又好，適合同朋友食飯。小食要咗酥脆魷魚圈同埋Nachos，新鮮整好，熱辣辣上枱，色香味俱全！Nachos 陪左大量手撕豬肉同埋芝士，邪惡但係非常好味😋😋😋侍應姐姐推介斧頭豬扒，即刻試吓啦。一上枱大家都嘩一聲，非常大件斧頭扒，而且好厚身。切開之後豬肉係粉紅色的，肉質juicy，高質👍🏻 旁邊仲有炸得非常香脆嘅薯條，我哋食晒！西班牙海鮮飯都係必食推介，海鮮配料好多好豐富，飯粒飽滿，每粒都吸左海鮮湯嘅鮮味。我哋仲叫咗一渣Mango sangaria，係沙冰咁樣嘅口感。飲飽食醉，每人三百幾蚊，覺得性價比都唔錯，下次再嚟。