肉搏食堂 (已結業)

禁晚市堂食之後 都好少去餐廳食飯 今日就特登喺五點左右 入去一間餐廳 坐低食個早少少嘅晚餐😮餐廳喺尖沙咀厚福街 周圍都喺餐廳 最後俾呢間食日式丼飯嘅餐廳吸引咗 餐廳呢段臨收工嘅時間冇乜人幫襯 計埋我地呢檯 同時段得兩檯😂餐湯 麵豉湯餐湯非常鹹 比較重菇嘅味道 有啲太重口味😕吞拿魚腩蓉配三文魚子丼吞拿魚腩蓉份量幾多 加上魚蓉剁得幾蓉 食落都唔錯🐟 可惜三文魚子比較細粒 就咁食都唔係好食得出佢嘅魚油 撈埋飯食就更加冇三文魚油香 整體食落變咗吞拿魚腩蓉丼 略嫌少咗個層次😅慢煮頂級牛肉盛丼果然係慢煮牛肉 牛肉食落仲好嫩滑🐮 咬落口唔會太生同太韌 牛肉味都有嘅 飯嘅醬汁係日式照燒汁 照燒汁比較甜 唔係好啱我嘅口味 至於嗰嚿白色嘅cream 個人係不予置評 因為我用嚟點牛肉之後覺得唔係好夾 我唔係好識欣賞🤣凍即磨咖啡咖啡嘅糖水可以分開上 咁就可以隨自己口味調校甜度啦😗整體嚟講 食材質素唔差 特別欣賞佢嘅慢煮牛肉 可惜整體嚟講就唔係好配合到個丼嘅味道 可能喺個食材配搭上要諗諗😮