時代豆業

營業中

休息中

呢間中式甜點店我都鍾意幫襯！因為款式多，味道都唔錯，呢間店只可以外賣自取，因為只係一個櫃枱闊嘅小店！個櫃枱超高，買嘢好似塊搵「二叔公」咁！而中式甜點中，我最鍾意紅豆同芝麻！今次買芝麻卷，細個塊酒樓一定叫呢款甜點，我們叫佢做「菲林」因為黑媽媽一卷！不過唔知點解，而家去酒樓已經無呢款甜點！返屋企打開個袋，兩條芝麻卷尺碼差成1/3，好似比人偷食咁！$8一卷，比以前酒樓嘅大卷好多，食兩卷都應該食唔落飯，味道就唔錯，我哋喜歡將個卷攤開成一塊咁慢慢食，好似食紫菜咁！不過係彈牙嘅紫菜！唔會過甜，中間仲夾雜住啲芝麻碎！帶芝麻香，食完成棚牙一點點！唯一一個女店員，負責收錢同袋食物！好爽手！