影片
更多
2010-07-08
56 瀏覽
女朋友們為補祝我既生日，最終選擇左雲府食飯，主要係我想見識下呢間食肆，應該話叫參觀下呢間食肆至真。因為平日經過，佢門外既裝修有一份神秘感，好似好吸引，所以好想入去睇下，不過要女朋友們破費，認真唔好意思！一踏入門口，擺設左類似敦煌既小佛像，女友已大喊要影相，跟著燈光昏暗，沿著樓梯往下，小心地落到地庫，左手邊係一個中國式圓形酒吧，而右手邊就係一間一間充滿中國風既房間，一直前行，就係食飯既大廳。大廳中央放左一個差不多頂到天花既大佛像，另外所有既枱椅、燈、櫃等擺設全部都係好中國，大部份枱、椅都係唔一樣，睇得出係一絲不苟既心思之作。至於其他方面，等有興趣既食客親自感受一下。餐牌大部份飲品同食品都用左比較詩意既名，當時忘記特別要記低，而家當然唔記得啦，唯有簡單形容。 兩杯無酒精荔枝味既雞尾酒，另一杯係有酒精既，味道都唔錯，不過就無歡樂時光既買一送一同特價喇！ 雞卷：外皮脆脆，味道都唔錯！ 雲吞：女友話味道唔錯，但我就覺得普普通通！ 京燒羊肉：侍應一放低，已聞到陣陣香味。羊肉切到小長方塊，皮做得脆口，而肉質又好嫩好Juicy。羊味唔太濃，啱曬我既口味，羊塊下有切得幼幼既京葱，用京葱夾上羊肉塊一齊食，
一踏入門口，擺設左類似敦煌既小佛像，女友已大喊要影相，跟著燈光昏暗，沿著樓梯往下，小心地落到地庫，左手邊係一個中國式圓形酒吧，而右手邊就係一間一間充滿中國風既房間，一直前行，就係食飯既大廳。大廳中央放左一個差不多頂到天花既大佛像，另外所有既枱椅、燈、櫃等擺設全部都係好中國，大部份枱、椅都係唔一樣，睇得出係一絲不苟既心思之作。至於其他方面，等有興趣既食客親自感受一下。
餐牌大部份飲品同食品都用左比較詩意既名，當時忘記特別要記低，而家當然唔記得啦，唯有簡單形容。
兩杯無酒精荔枝味既雞尾酒，另一杯係有酒精既，味道都唔錯，不過就無歡樂時光既買一送一同特價喇！
雞卷：外皮脆脆，味道都唔錯！
雲吞：女友話味道唔錯，但我就覺得普普通通！
京燒羊肉：侍應一放低，已聞到陣陣香味。羊肉切到小長方塊，皮做得脆口，而肉質又好嫩好Juicy。羊味唔太濃，啱曬我既口味，羊塊下有切得幼幼既京葱，用京葱夾上羊肉塊一齊食，異常香口，羊味更突出，係全晚最出色既菜，正！
四川辣子雞：見到好多四川辣椒，但味道完全無四川既麻辣，只有好輕微既辣味。雞塊炸得乾身，無汁，跟傳統煮法既四川雞有好大分別但差在超鹹，只食左兩塊，已經唔能夠再食落去。
擔擔麵：味道普通，麵太 "淋"，無特別。
馬蹄糕：外面有一層脆皮，呢個係我唔鐘意既地方，因為感覺比較膩。而馬蹄糕本身則欠馬蹄香味，亦食唔到馬蹄粒粒，唯一可取係唔太甜。可能本身唔係甜品愛好者，而女朋友們就覺得ok，全碟清曬！
當晚星期五食餐時段只有4枱(包括我地一枱)，其他3枱都係外籍朋友。食物質素普通，係預期中既食裝修。叫做黎過、試過，ok 啦！不過相信是晚消費唔平，朋友們要您地破費破費喇！
張貼
