影片
更多
2011-11-24
37 瀏覽
慶祝結婚週年，睇開飯網食評無喊面，諗住唔會差得去邊，所以早一晚訂位，因第一次去，依商塲指示去到店舖路邊茶座亦即係後門，女待應看似唐人，原來唔識廣東話，要用英語就佢，跟住依佢指示去到正門，再三轉接才找到個知客，她比我地個位剛剛在幾個大聲公隔離，幸好有第二個座位選擇，坐在出菜柜檯面前，可以見到燒豬手的烤爐運作和睇住食物出籠，都唔錯。叫待應落單，又來了個看似唐人但又係不懂廣東話的男待應，最慘係佢D英文帶著唔知係邊度國家的鄉音，講得又快，兼且態度略欠莊重，我重要用英文黎就佢，自覺真犯賤兼有比錢買難受的感覺，都算啦，D嘢好食就得。其後觀察其他待應，很多都係同樣唔識廣東話又態度相似，大家樂、美心怏餐都比佢地好！但呢度個主菜都起碼百七至百八蚊，重要加一！各位網民，你明白我的感受嗎？叫了好多人叫的咸豬手，燒雞，德國腸併盤和匈牙利牛肉湯，全部都令人失望。咸豬手燒的皮只有部份能燒得香脆，部份則連刀都鋸唔開，D肉又只得少少咸味而無肉香和鮮味，超市賣的德國咸豬手平過佢幾倍但好味過佢！燒雞得半隻，無雞肉鮮味又鞋又唔香，重有少少生，普通怏餐或茶餐廳都比佢優勝。德國腸併盤又係感，無肉香和鮮味！唔知係咪價錢高就越無味
叫待應落單，又來了個看似唐人但又係不懂廣東話的男待應，最慘係佢D英文帶著唔知係邊度國家的鄉音，講得又快，兼且態度略欠莊重，我重要用英文黎就佢，自覺真犯賤兼有比錢買難受的感覺，都算啦，D嘢好食就得。其後觀察其他待應，很多都係同樣唔識廣東話又態度相似，大家樂、美心怏餐都比佢地好！但呢度個主菜都起碼百七至百八蚊，重要加一！各位網民，你明白我的感受嗎？
叫了好多人叫的咸豬手，燒雞，德國腸併盤和匈牙利牛肉湯，全部都令人失望。
咸豬手燒的皮只有部份能燒得香脆，部份則連刀都鋸唔開，D肉又只得少少咸味而無肉香和鮮味，超市賣的德國咸豬手平過佢幾倍但好味過佢！
燒雞得半隻，無雞肉鮮味又鞋又唔香，重有少少生，普通怏餐或茶餐廳都比佢優勝。
德國腸併盤又係感，無肉香和鮮味！唔知係咪價錢高就越無味呢？
匈牙利牛肉湯賣相幾好，但又係物非所值($62)，完全無牛肉味，只有齋用茄膏煑湯的蕃茄味，金寶湯比佢抵飲好飲不知幾多倍！
重有用餐期間，一位身穿餐廳制服男，長期企係出菜柜檯面前，並不時在咳嗽但無帶口罩，只用手遮著或就敢直噴向前，場面令人不安，原本想試蘋果卷配雲呢拿雪糕都係唔冒險啦，埋單走人把啦！
張貼