炊豕店 (曉悅) (已結業)

本身諗住去食壽司朗但太多人排隊就轉場去食其他就比我見到呢一間專係食豬嘅餐廳 分別叫咗一個秘製豬扒配米線 同沖繩豬軟骨飯秘製豬扒配胡椒豬肚湯米線佢豬扒同埋米線係分開上嘅 咁樣就可以保持到炸豬扒嘅香脆 豬扒好大塊而且好厚肉 肉質鮮嫩 一啲都唔鞋口 而且調味調得啱啱好 佢碗米線都算大碗 飲落去都比較清 但唔係好覺得佢係胡椒豬肚湯沖繩豬軟骨飯呢個飯真係幾高質 佢有三至四舊豬軟骨 而且每件豬軟骨都好大舊 炆得好腍好入味 肉質都好腍 感覺上有豐富嘅骨膠原🙈 成碗飯都充斥住豬軟骨嘅油香味 仲有啲蓮藕紅蘿蔔做配菜 滷水拼盤入面包含咗豬耳 豬大腸 豆腐 雞翼 滷蛋如果你係想食晒佢咁多款滷水小食嘅話我覺得可以叫依個 一次過滿足晒你所有要求 不過拼盤整體來講不過不失 冇乜特別