The Salted Pig (新都會廣場) (已結業)

依間食豬嘅專門店，好適合多人聚餐，分量大大碟，而且水準絕不馬虎，價錢合理適中，當日仲見到有人食生日飯。地方好大，好多大枱，空間感十足，枱和枱之間亦都很多空位。食豬梗係要食豬手，個豬皮好鬆脆，脆卜卜，又唔太鹹，豬肉呈粉紅色，煮得啱啱好，肉質嫩滑。豬手配有蘿蔔和酸菜，吃多了豬，吃一口酸瓜， 消去了油膩感。另外有兩舊薯仔，焗得很香甜。平時食卡邦尼意粉用煙肉，這裏的卡邦尼意粉用豬手肉 有浸鹹香，比煙肉更有口感。