泰屋 (已搬遷) 新店位置

昨天晚上約左朋友嚟呢度食晚飯,因之前嚟過食覺得幾好味又坐得舒服,所以朋友話想食泰國嘢既時候都會諗起呢度,一早訂左位,嚟到唔算滿,但係都好多人可能係星期五既關係啦,7點幾就已好多人了.餐廳好大,環境都好靚,周圍都有泰國的擺設,好有格調呀,我們兩個人叫左幾樣嘢一齊食啦,佢餐牌都有幾份,一份主餐牌,一份係印度咖喱,一份係飲品,一份係甜品,好詳細及豐富呀.我地叫左一個泰式鳯爪沙律,這個有點辣及酸,但都係好大碟的,好味呀,白雲鳯爪都幾大隻冇骨架,加埋一些沙律酸酸味味好開胃及入味呀.馬拉盞炒通菜,這個好味好多馬拉盞架,唔會太咸,通菜都好爽甜新鮮架,同埋都幾大碟架印度咖喱配蒜蓉烤餅,個咖喱係橙黃色的,睇個樣好似好辣咁,但朋友話個餐牌注明係唔辣既,我地叫既係咖喱牛腩,味道都好好喎,真係唔辣,牛腩好淋身入味,加埋蒜蓉烤餅一齊食簡真係好好既配撘呀,碗咖喱都好多架,用嚟送飯都夠呀.飲品叫左一杯珍多冰及一杯青檸梳打,我飲青檸梳打,我覺得甜左少少,如果酸d仲好呀.服務都好好,好快上菜及收拾食完的食物,加水等,我地食完坐係度傾計都傾左好耐但仕應都唔會有趕你走既意思,係適合坐得耐既地方呀.