1988 (已結業)

呢間1988前後嚟食咗四次😋因為真係太好食啦！唔止份量多，而且質素真係好好，每次想食泰國嘢都會黎呢一間，值得推介👍🏻不過要留意嘅係，呢一間餐廳嘅Booking非常full，即日預約一定係冇位㗎啦，而且冇得Walk in，想食嘅話，最好預早一至兩日打電話預約。餐廳位於工廈裏面，但係環境舒適，雖然唔係好大，但係每張枱之間都會有一定嘅距離，唔會太過逼。🎈冬陰功湯佢嘅冬陰功湯味道唔算太辣，湯用料十足，放左兩隻大蝦同埋好多蘑菇，大蝦肉質彈牙新鮮🎈木瓜沙律每次黎都會叫木瓜沙律，因為酸酸甜甜好開胃，而且木瓜非常爽脆，口感好豐富，呢個沙律會越食越辣，但又覺得好過癮😝🎈泰式燒豬頸肉豬頸肉好厚身，非常香口，唔會好乾，面頭有少少脆，點埋嗰醬汁好好味🎈泰式炸墨魚餅呢個係招牌菜！熱辣辣食非常鬆脆彈牙，而且好大件，啖啖肉，口感一流，配埋個甜酸醬真係不得了！🎈泰式小食拼盤拼盤包兩件蝦餅、兩件春卷、兩件魚餅、同埋兩件泰國雞棗。蝦餅一如既往咁好食春卷外面酥脆雞棗味道特別，有一啲香茅味反而個魚餅麻麻哋，太過霖🎈生菜肉碎包生菜包夠晒香辣，啖啖肉，非常惹味配埋生菜🥬簡直係絕配🎈鮮蝦炒金邊粉金邊粉炒得夠乾身，而且夠香鮮蝦都夠爽