德美壽司

營業中

休息中

是日母親節，帶媽媽去食餐好是必須的！平時行過德美都見到好多人等位，所以今日就預早黎到排隊，雖然6點先開始入客，我大概5點半到，但已經有幾班人等緊位。好在最後都「掹」車邊，食到第一輪！我地一行5人，入左一間房，好有私人空間呀😂😂😂😂蟹子沙律：青瓜好甜好新鮮，蟹籽好爽口，碎卜卜！配埋沙律醬，真係一個令人滿足既前菜！三文魚腩刺身：不得了，好新鮮，好甜，媽媽平時對食好有要求，都忍唔住講左句「好正呀！」燒青魚：正呀，一啲都唔會腥！牛油果軟殻蟹卷：個人幾中意食牛油果，配埋軟殻蟹食，可以中和當中既油膩，正！三交魚石狩鍋：不過不失，味道正常石頭飯：熱辣辣，足料成餐飯都滿足，最緊要平時比較挑剔既母親大人都感到滿意，最緊要佢開心