響 居酒屋 (已搬遷) 新店位置

我間中就會嚟呢度食飯，原因並唔係因為近或者方便，而係覺得呢度就算幾遠都值得番嚟回味一下。 呢度地方大 坐得舒服、有波台、有飛標機，員工有禮貌、師傅用心整每道菜，食物新鮮、用料認真，啲魚生 海膽 魚籽 一睇 一食就知有料到，魚生紋理 光澤一睇就知係靚嘢，魚籽 我相信喺香港無邊幾間日本料理鋪可以食到咁大粒嘅魚籽，海膽 完全唔會食到有苦/溶成一灘咁嘅海膽，全部都係香甜回甘嘅，擺盤一睇就知師傅有真功夫。 價錢亦好合理 無論係想要低消嘅定食，定係華麗嘅刺身大盛，甚至係想嘆個小食煮物炸物都應有盡有，仲會有時段優惠。講真良心過出面好多日本料理店，食咁多次每次都係愉快嘅一餐！ 特別推介呢度嘅三文魚籽，日本來貨大大粒 唔係度度都可以食到咁大粒嘅三文魚籽，仲要有師傅親自獨門醃製，特別鮮甜 入口一咬勁爆汁。