鬼金棒

營業中

休息中

上次同朋友食完鬼金棒之後, 一直覺得如果有時間可以再黎試其他口味。今日經過尖沙咀又諗唔到要食咩, 就去左心心念念嘅鬼金棒!今次我叫左炒豆芽菜辣麻味噌拉麵, 而朋友就食左我推介嘅芫茜辣麻味噌拉麵, 另外我地見到店入面既poster推介餃子, 都叫左一份煎餃($45)。先講我叫既炒豆芽菜辣麻味噌拉麵, 因為喉嚨有少少炒豆芽唔舒服, 所以今次我就叫左無辣同小麻。我係第一次食原味鬼金棒嘅味噌湯底, 同以往既辣麻相比, 今次係可以直接飲到濃郁嘅味噌味。今次叫既炒豆芽, 份量勁多, 食到最後都仲可以食到豆芽同拉麵夾埋一齊既口感, 豆芽清爽配上濃郁湯底, 可以中和返個味道。肉就一如既往, 好厚但又可以煮到好淋! 另外我就加購左拉麵必配既味玉! 生熟程度岩岩好, 蛋黃香濃!朋友食得辣佢就挑戰左高辣高麻嘅芫茜辣麻味噌拉麵, 滿滿嘅芫茜配埋非常辣既湯底, 佢都好enjoy!而煎餃就不過不失, 係豬肉餃, 入面夾左爽脆既蔬菜, 不錯!