喜記避風塘炒辣蟹 (謝斐道)

營業中

休息中

自問超級海鮮控，突然好想食避風塘炒蟹，點算？我同朋友第一時間諗起呢間位於謝斐道嘅喜記，對我哋來講地點又方便，味道又無可挑剔，心動不如行動，立即訂位。係時候講下令我哋吮指回味嘅食物啦😋😋招牌避風塘炒辣蟹 招牌就係招牌，真係不得之了，啖啖肉，蟹肉飽滿結實，辣味完全唔會搶味，反而吊起蟹嘅鮮味，蒜香十足，個炸蒜好酥脆，用來撈飯一流。椒鹽大瀨尿蝦真係好大隻，炸到好脆，好惹味，真係連殼都脆㗎，食食下覺得唔够喉添豉椒炒蜆食海鮮又點少得炒蜆，雖然係大路嘢，但係呢間處理得一啲都唔馬虎。蜆肉粒粒都肥美飽滿，椒汁裹滿啲蜆肉，好滋味。喜記燒鵝燒鵝又係一絕，皮脆肉滑，無得頂蟲草花螺片鷄腳湯全部煎炸嘢？無有怕，呢個燉湯幫我哋滋補返。蟲草花增強抵抗力，螺片滋陰，雞腿就骨膠原滿滿，重點一啲都唔油膩。細心位，有個鐵桶俾我哋裝骨，唔使搞到成枱殼，抵讚。盡興而歸，好滿足呀！