阿一豬扒酸辣米綫 (已結業)

今日下午我又同同事出左去食 本身想食譚仔 因為最近睇左馬明個rap 突然好想聽譚仔話 食皮玉子 但原來我個同事琴日食左 所以最後我地轉戰去左都係食米線嘅 阿一豬扒酸辣米線我地四個人都叫左同佢間餐廳一樣名嘅豬扒米線 小辣 呢到好嘅位係無論冷熱飲品都只係加$9 紅豆冰都係 加埋每個人都只係 $46 而個米線好有驚喜呀 佢啲米線比平時譚仔個啲粗 但好易入口同口感唔錯 軟綿綿 一咬既斷 豬扒都幾多 係有醬汁醃過嘅 幾好味 同埋都幾有咬口 因為塊豬扒都幾厚 最正嘅係佢個湯底 酸菜同啲蔥都係重點 令到個湯底酸酸地 小辣岩岩好唔會食到咳 唔怪得咁多人排隊啦 值得推介!