泰昌餅家 (已結業)

年三十提早 4:00 放工，趁有時間，去中環 shopping 買新衫！當時買完衫有點肚餓！想食下午茶，點知好多餐廳已經收爐！ 走去港鐵站食肆層，全部已經收爐！但係我又唔可以食太飽，因為要返屋企食團年飯。就連中環天星碼頭間奇華都無麵包賣！( 想哭！)好啦！搭船落到尖沙咀天星碼頭，有間泰昌餅家；簡直雪中送炭！見到蛋撻 $5 ，呢個價錢唔係特別大！ 雞批 $7 感覺上抵食過蛋撻。一於買雞批！雞批 $7 算大個，係暖暖地！ 一咬開，撻皮撻底好鬆化！有牛油味！正呀！ 唔只雞架！仲有雜豆：粟米、紅蘿蔔粒、青豆。食完即時醫飽肚！