大師傅粥品 (京瑞廣場1期)

營業中

休息中

老公想食粥，石門有《大師傅粥品》，地方企理乾淨，卡位好舒適。狀元及第粥~ 馳名生滾粥，一定要試呢個，豬潤、粉腸、豬肚、豬心、肉丸及肉片，各有兩件，材料豐富，生滾粥嘅粥底特別滑。碎牛艇仔粥~勁多碎牛，仲有水魷魚、豬皮及花生，艇仔粥都好受歡迎。韭黃鮮蝦腸粉~腸粉好滑，每件都有一整隻蝦，爽口彈牙，配甜甜豉油。豉油王炒麵~炒得可口，可以隨意加甜醬辣醬，仲可以 落啲芝麻更美味。油條~夠脆夠香口，切件上，好體貼。豆漿~香港製造，唔會好甜，健康啲。