旭

營業中

休息中

早排試咗位於希雲街街尾嘅旭，佢地有有鐵板燒同omakase，而當日就試左omakase set!當日既前菜有海膽豆腐、白螺同麵豉醬青瓜，都係唔錯既餐前開胃菜！刺身方面都有成5款咁多，打頭炮嘅係深海池魚薄切，淡身既白身魚加酸汁一齊食，夠晒開胃！梭子魚燒香咗魚皮，油脂滲出，白身魚黎講咁食可以增加風味！北海道毛蟹配馬糞海膽，毛蟹鮮甜多汁，配埋新鮮嘅馬糞海膽，簡直係珍貴到不得了😎北寄貝同象拔蚌，爽口嘅貝殼類，配上少量嘅青檸一齊食，更突出佢嘅鮮甜！太刀魚為中間嘅一款熟食，燒左都keep 得住juicy, 都好唔錯！野生藍鯨拖羅作為刺身嘅尾聲真係不得了，同一般養殖嘅唔同，唔會剩係得入口即溶，反而魚味更濃，呢個好好食！北海道白粟米真心勁甜，係刺身與刺身中間都叫做幾好既間場！壽司方面，平目魚淡淡嘅魚香加埋醬汁一齊食都幾正！池魚既味道相對平目魚較濃魚味，肉質比較肥美，好味！但講到我最鐘意就非Bb鱈魚莫屬，油脂甘香但油份唔會過盛，入口即溶得黎又滑，好正！九州赤鯥都肉甜又爽脆， 又係另一種享受！北海道響螺鮮甜爽口，唔洗加好多調味都已經好好了！吞拿魚醬油漬唔會過咸而唔會漬到影響左肉質，處理得唔錯！呢個大拖羅加