東海海鮮酒家 (已結業)

食大閘蟹同黃油蟹差唔多係每年的指定動作，大闡蟹通常去老正興或大上海﹝已結業﹞，黃油蟹就海都或鴻星。不過今年有人話呢度幾抵食，見七百多除黃油蟹外，又有翅、鮑魚、鵝掌、官燕、蟹粉飽等等又好似係幾抵，因黃油蟹近四十蚊一兩，所以淨係隻蟹都三百幾，所以今年就來試試。主角是熱辣辣的黃油蟹，斤兩十足，但黃油就唔夠佈滿全隻蟹，起碼食爪時都唔係好食到黃油，個人黃油蟹最好食的地方係有黃油的蟹爪，所以有D失望。但好在黃澄澄的蟹油都軟滑又美味，都算是非常正。席間有怕女士怕肥只吃一半，我就多多益善食多半隻，令我今晚的蟹宴更value-added；蟹粉小籠包有三隻，都有幾多蟹肉，唔錯；可能大部份的資源去左黃油蟹同蟹粉小籠包，所以其他菜色都屬麻麻地，翅及官燕俱普通酒席的貨色，唯獨是個壽包幾好食。帶左支紅酒去開，每人七百幾，總括來說仍可接受。約齊腳可能遲D去海都或鴻星再食過，如有空的話，驅車入流浮山都可以食到正貨。