馬六

營業中

休息中

每次經過門口，我都見好多人排隊，今日午餐忍唔住特登出嚟試一試。無骨海南雞飯， 餐湯係冬瓜湯，幾甜。 好大碗油飯，應該有2碗飯嘅分量，夠哂飽。 海南雞好嫩滑，又夠油香，就算唔點佢嘅醬汁，都好夠味。另一個飯係巴東牛肉配椰漿飯， 綠色飯夠特別，椰漿味幾香， 仲有少少炸魚乾仔同花生，增強口感，個人比較喜愛食椰漿飯多過油飯。 巴東牛肉帶有少少辣味，肉質軟淋，都唔錯。加咗少少錢，追加兩個小食，其中一個係馬拉盞通菜，味道比較辣，但夠惹味。另一個小食班蘭咖央多士，上枱時只係微暖少脆， 班蘭咖央醬較少，味淡，一般貨色。