利強記北角雞蛋仔

營業中

休息中

我哋喺附近揾食，忽然唸起呢間雞蛋仔，就立刻嚟排隊先，到達時已有四五人排隊，排咗十幾分鐘，終於到我哋嘞，阿姐問我要幾多底，我說兩底，跟住佢就問我老公要幾多底，我老公話我哋係一齊嘅，當時我哋三個人一齊排，阿姐就有點不滿地話一個人排隊就得嘞，唔通唔淮一齊排嘅！佢態度有D問題，算啦，可能佢做到冇停手，心情唔好掛。講番D雞蛋仔，質素比一般嘅好，每次都係一邊十分脆，而另不邊就外脆內軟，十分好味，如果唔喺我哋都唔會嚟排隊買啦。不過今次比上次差咗DD，蛋香少咗D，軟嘅部份薄咗，所以口感冇之前咁好。$12一底，$22兩底，質素高D，價錢也同樣高D。