三寶勝上海美食

營業中

休息中

六月尾裝修完之後第一次黎。呢間可以話係我家的飯堂，媽咪唔想煮或者想出街食下飯多數都會黎呢間食。幾乎次次都係點小籠包、排骨菜飯同上海粗炒。小籠包次次都好有水準，皮薄餡靚，肉汁又夠多。排骨菜飯我地次次都係跟例湯，任飲唔嬲且冇味精，啱哂鍾意飲湯嘅人士。排骨菜飯真係必點，排骨酥香，菜飯又正，推介！上海粗炒就好大碟頭，好抵食！呢間可以話係大埔數一數二上海菜食店。