彩福欣宴 (已結業)

又到年尾係時候不停相約飯局，年尾第一餐先約舊同事聚舊，食個飯談談近況。酒樓當然係最好嘅選擇，又唔怕嘈又無限時。呢間彩福位置好方便，向佐敦地鐵站附近，行3分鐘左右就到。酒樓裝修新淨光猛,果然係專辨婚宴場地，公司年尾飯好地方。餐牌見到有優惠折扣可以用$338享用雞煲翅，年尾當然要對自己好一點啦！而仲有其他精算小菜都好似好吸引！脆皮旺金南乳雞外皮香脆，色澤金黃，入口外脆內軟，外皮沒有多餘肥膏，而肉質鮮嫩多汁，沾上少少南乳醬，增加香味，更加美味。招牌雞煲鮑翅份量果然足夠4-6位用，鮑翅一梳梳，型狀漂亮，湯頭濃郁雞味，味道鮮甜香濃，超正！濃湯浸唐生菜蒜子蔥頭令濃湯多了份香氣，唐生菜清甜爽嫩，濃湯清甜，令到生菜特別鮮甜。祝福大壽包友人好想食壽包，所以叫咗1隻俾佢一人獨享，壽包即叫即蒸，所以等待時間比較長，每個壽包一籠一個，非常之大，餡料十足，蓮蓉不算太甜，而且每隻仲有咸蛋黃在內，份量十足。唔洗2個小時就食到超飽，下個月聖誕肯定仲有好多飯局要食，諗起都開心。