彩福欣宴 (已結業)

This cha liu is featured as a wedding venue, having cute decoration in the stage you can see the small castle, cool having a meal here, simply made you happy haaa, the food quality is nice tooSteamed beef rice roll having so soft and smooth riceroll layers and I'm indeed surprised haa, but the portion is a bit smallSteamed pork ribs rice looking good portion not large but enough for a bite of taste haSteamed chicken with conch rolled having good taste, soft chicken, nice choiceSteamed cane sugar

今天到佐敦看醫生，之後到聯A酒樓飲茶，怎料，人頭湧湧排長龍，我和Honey轉場到了彩福婚宴，不用等位，立即入座。由於是婚宴場所，樓底好高，所以環境舒適。Honey點了午市套餐：福建炒飯 + 叉燒 $138叉燒不錯呀，半肥瘦，肉厚且腍，甜甜的，好好味！福建炒飯非常大碟，用料也豐富：雞粒、元貝、菜遠粒、小蝦仁……炒飯底炒得很乾爽，粒粒分明，不錯不錯！我們另外又點了兩款點心。蟹粉小籠包。小籠包豬肉滿滿的，雖然蟹味不算濃，但是滿滿的湯汁，很滿足！Honey喜歡吃蝦餃。澄麵彈牙。每粒都非常大粒，啖啖蝦肉，很爽口！好味！Honey點了楊枝甘露。也很好味，有沙田柚、西米、芒果粒……而且芒果湯濃濃的，不太甜，好美味！無論場地、排隊、食物質素……全令人滿意。然而，服務員的服務態度，就…………呼呼喝喝的！我下次還會不會再來……其中阻礙我再來的原因，一定是服務員

今日老死生日，就約埋成班朋友黎到彩福呢間佐敦分店食龍蝦慶下佢生日，88蚊斤既龍蝦我真係食極都唔會厭，佢地仲要唔會hea你隻隻都足料又整得好食。今次我地整左佢個上湯既整法，效果都唔錯不過個人都係最中意芝士，芝士焗龍蝦再加佢個伊麵底，真係完美既組合黎，不過上湯其實都高質，只係同芝士比就會比下去咁解！除左個龍蝦之外，我地仲嗌左個炒通菜，平時炒通菜最驚佢就係落好多油，佢地係控制油量方面算係一流，食落唔會成口油。最後仲叫左隻炸子雞，皮脆多肉汁，下次黎到一定一定會再叫左隻黎食！

呢排食彩福個龍蝦食到上晒癮，一來真係超級抵食，二來佢煮得真係好高質，88蚊斤真係搵唔到再平。今日有位老友生日，就約埋一行四人黎到佐敦既分店到再食佢個龍蝦，8點黎到都已經幾多人下，建議想黎既朋友可以事先book定位。基本上次次去到我都會叫佢用芝士整隻龍蝦，不過今次有位朋友話想試下上湯煮，所以今次我地就叫左黎試下，同樣地加伊麵底係常識，因為撈埋個汁食真係世界級。除左龍蝦之外，我地仲叫左個炒通菜同埋一隻炸子雞，加埋每人一碗白飯，抵食又飽肚！

最近發生既種種事情，令人覺得應該要好好珍惜現在，珍惜所有，然後呢一日即刻決定要約家人去酒樓食飯，好好珍惜同家人相處既美好時光~佐敦分店真係好舒服~有浪漫既紫燈，樓底又高，大電視掛係高處，基本上坐邊都可以睇到清清楚楚，正~今晚叫左晚餐份三寶，叉燒，魚，咕嚕肉同甜品~彩椒菠蘿咕嚕肉 $85外皮薄薄去好白脆，入面肉鬆化唔乾，掛滿酸酸甜甜既醬汁，仲有好隊菠蘿同青椒清蒸沙巴龍躉班 $148size唔細，有1斤2，抵食~肉質嫩滑彈口，味道鮮，最好正當然係個腩位，特別嫩，滿滿魚油香~三寶入面有燒肉，菜，同蟹，三百幾蚊好抵食啊~隻蟹仲要唔細隻，啖啖肉既肉蟹，肉質嫩唔會散，好鮮甜~紅豆桂花糕 $18最後一定唔少得桂花糕，清甜爽滑，食完飯食佢即刻清一清味蕾~今晚又是滿足的一晚仲有特價龍蝦呢~

最近真係感到同家人食餐家常便飯，已經有種奢侈感。喺城市入面總係有種陌生感覺，所以放工後心血來潮，就約埋女皇嘅爸媽一齊食反餐飯。而地點就揀咗倆老嘅指定飯堂彩福，今次係佐敦店。一段時間無黎發現酒樓添置左幾部大電視，相信係供宴會時使用，而平日就令我們啲常客多左份享受。喺彩福食飯有另一好處係晚飯三寶可以幫到三心倆意嘅我地，更容易決定自己想食乜。晚飯三寶係由燒味部，廚房同海鮮部中各選一款菜色嘅套餐。而每次黎都可以試到唔同組合，所以真係幾好，今次我地就點左姜葱焗肉蟹，份量係一隻，勝左夠大隻多肉，四人用絶對夠喉，焗蟹效果乾身，姜葱味濃，唔錯。脆皮燒腩仔，外皮鬆脆，肉組織肥瘦相隔，層次分明，肉帶咸香，繼懷舊金牌叉燒又一傑作瑤柱蝦乾浸勝瓜，味道偏淡，但有助解膩。最後點左清蒸沙巴龍蠆班同彩椒菠蘿咕嚕肉，倆度相當下飯嘅餸，可惜貪心嘅我們太飽啦，放棄白飯，改選桂花糕，希望黎緊大家都可以珍惜同家人朋友嘅每餐相聚時刻，享受自己開心用餐心情。

2019年7月11日-天晴今天同好耐冇見的朋友一齊去試衫，因為來緊要幫舊同學去做兄弟，所以係附近搵間可以坐耐少少又可以吹水既地方食下野。【上湯開邊焗加拿大龍蝦】店員告知龍蝦大約1斤2左右1隻，計落$100也不用，真的很便宜，而且龍蝦肉質爽口彈牙，味道鮮美多汁，加配伊麵底，拌勻上湯醬汁同吃，好味又抵吃。【巧手煎焗新會陳皮豚肉粒】豚肉粒入口爽嫩鮮甜，有淡淡陳皮香味，甘甘甜甜，開胃又滋味。【椒絲腐乳通菜】腐乳味香濃，通菜新鮮脆嫩。【朝日啤酒】男人飯局點可以錯過飲酒既時間，真是男人的浪漫，日本啤酒味道比較淡口，飲落清爽。

這間食店的小菜都有一定水準，蒜蓉蒸龍蝦，班魚和雞湯翅都好好味，又有優惠，非常抵食，連甜品都不錯，推介芒果布甸及棷皇燉燕窩，真的超級超級超級好味，好過很多甜品店，亦抵過好多甜品店，絕對萬勿錯過呀！！！

老人家做完手術，手術很成功，大家都感到非常欣慰。今晚，他的外孫女在澳洲 返咗來探佢，探完病之後，我哋幾個就去了佐敦的彩福晚飯。呢度環境好豪華，晚飯時間非常多人光顧，國內同胞也不少。晚市有健康推介，我哋點了一個翡翠麒麟冬菇豆腐和一個金粟紅米健營飯，再點了一條清蒸沙巴龍躉班、一個松子沙汁蜜桃青瓜蝦球和半隻脆皮南乳雞。五個人吃夠晒飽。呢度有點兒怪的是飯先上。個飯份量都幾大，材料一睇就知健康，不過味道一般般。脆皮南乳雞唔算肥膩，食落就無咩雞味，不過南乳都OK。蝦球係水準之作，值得推介。沙拉汁緊緊鎖住粒蝦球，外層炸得脆，內裡蝦肉爽口彈牙。條魚斤二重，OK夠我哋食。養魚，蒸得剛剛熟，魚味一般。碟豆腐都係一般般，80蚊就唔多值。

真的超掛住彩福的上湯龍蝦，今晚又忍不住跟好友2人大吃一餐。好友未去過佐敦分店，她十分喜愛此處樓底非常高，而且空間感十足。我當然最期待吃龍蝦，所以二話不說直接order 了3隻上湯開邊焗龍蝦再加伊麵底一份。上湯開邊焗龍蝦伊麵底份量非常澎湃，龍蝦每隻一斤二両，肥美厚肉，入口鮮甜彈牙，上湯煮法最能保留海鮮鮮味，正！脆皮南乳雞特價小菜，$70 半隻，但雞肉嫩滑多汁，外皮金黃酥脆口感，一脆一嫩，滋味無窮。欖菜肉崧四季豆濃淡適中，欖菜惹味咸香，四季豆炒得非常有鑊氣，非常美味！鯉魚芒果布甸芒果味香濃，布甸QQ滑溜溜，加上少少花奶已經非常好食！價錢合理，份量十足，值得一食再食！

彩福的中菜一向都很出色，坐得又很舒服，所以今晚我們就食彩福了一坐低就見到個個都點龍蝦，原來彩福有龍蝦🦞節，龍蝦都系$88/斤，所以我們即刻點埋一份！ 我們點了一隻龍蝦🦞配了上湯伊面，龍蝦很大隻，都幾新鮮、彈牙👍🏻👍🏻👍🏻上湯伊面也不錯，吸收曬d湯汁，很入味另外，我們都係魚精，見到佢地有優惠，清蒸沙巴龍躉$148，龍躉都是1斤重，魚肉夠曬嫰滑，淋上煮熟的醬油、蔥👍🏻👍🏻👍🏻 香氣十足另外點了一個蒜蓉炒菜心$68，份量很多！ 可惜不是生炒，睇到菜係先煮熟，再淋蒜蓉！ 小左d鍋氣，不過整體都不錯！

彩福集團旗下多間分店，在港開業多年，最為人津津樂道的是每年在四至八月，晚飯時段，都會推出優惠價龍蝦給食客，和其他海鮮酒家比較，價錢足足平了一倍有多。今天和太太來到佐敦分店晚飯。我們點了兩隻龍蝦、一條沙巴龍躉和一碟勝瓜百合炒鮮淮山。龍蝦新鮮，開邊蒜蓉蒸，火候控制恰到好處，龍蝦肉鮮甜嫩滑。沙巴龍𧄌雖是養殖魚，但魚肉鮮嫩，一斤二兩重祗售$148，認真益食家。勝瓜百合炒鮮淮山，鑊氣十足，雖清淡，但營養價值高。最後來個椰皇燉燕窩，亦是此店必吃的甜品。

之前食過彩福集團旗下嘅中菜廳，覺得水準唔錯。主要係海鮮收費又唔貴，所以間中都會嚟食晚餐。今次叫了蟶子皇，$42隻，揀咗蒜蓉蒸，聖子好新鮮，好大隻。蒸得啱啱好，好正！仲有必點的蒜蓉開邊蒸龍蝦加埋粉絲，龍蝦非常新鮮，份量亦有一斤幾，肉質鮮甜，加左蒜蓉食落口真係好惹味。四川大蝦球，有好多豆，蝦球就唔算多。不過唔係好貴$105，味道也不錯。呢度環境真係幾靚，樓底又高，服務都好快。茶介要$15一位，晚上7點幾都已經好多人，人多可能book 位穩陣啲。

彩福集團一向有口碑，呢間主要做婚宴，食晚餐都係第一次。酒樓必定叫龍蝦，我哋揀咗蒜蓉蒸另外加了粉絲底，龍蝦大概有一斤二兩，才$99。新鮮肉實， 加埋蒜蓉真係正。另外叫了一個四川大蝦球，味道不錯，但賣相一般。本身今日想叫帶子，但係賣晒，所以叫咗蟶子皇，好大隻，食落口好鮮甜，真係非常新鮮，必叫必叫！燒鵝王，皮唔脆又多骨，仲要$130貴過隻龍蝦， 完全唔建議叫！虎皮椒腰果牛肉粒，呢個可以當菜食，牛肉粒炒得又香又嫩。叫埋個甜品楊枝甘露，唔算甜，所以好好食。3大1細，坐得舒服又有BB櫈。推介一家大細。

又到了同朋友一齊出去食飯傾計嘅時間了。反正見近來冇乜去酒樓，一於就去酒樓食下龍蝦，傾吓計啦！上湯龍蝦/清蒸龍蝦估唔到可以喺大集團酒樓食到咁好味原隻嘅龍蝦。唔好以為咁平食到龍蝦就好求其呀，佢地一樣製作得好認真。龍蝦非常大隻爽口彈牙，仲有非常多龍蝦膏，淡淡肉，仲好多人叫添，非常不錯。特色推介之選！我地仲特登叫咗兩款去試添，一樣咁歡迎，抵讚！滷水併盤/脆皮南乳雞來到酒樓梗係要叫下啲滷水野同埋燒味。併盤既滷水汁絕對非常之好，又入味之外又無味精的感覺。肉味夠香濃及有口感，令人有一吃再吃的衝動。炸雞方面非常之香口入味，正！涼瓜炆頭腩/南瓜蒸班球分量十足雖然叫咗例牌但係好似半圍咁多，真的非常之入味，頭腩好新鮮又啖啖肉。而蒸野方面一樣大大碟，啖啖肉的，令人想一吃再吃。秋葵什菌豬爽肉最尾朋友見樣樣都咁好味，叫咗一碟豬爽肉encore，估唔到連普通小菜都一樣咁正！