神戶食堂 空姐牛肉飯 (已結業)

由於🥵天氣太熱，真係唔想喺條街到暴哂☀️，所以去西九龍food court搵嘢食算。之前食過呢間空姐牛肉飯都ok，所以呢日再食下啦。飯類嘅餸其實主要分三種，就係🐂牛肉、🐖豬肉同🐓雞翼。你可以揀一款或者雙併，胃食嘅我當然要雙併，要咗空姐牛肉加壽喜燒雞翼，細飯，$36+$1(外賣)。舖個嬸嬸上次明明同我講(落單後😑)喺附近返工show証就可以有85折，點知今次又叫我下次show先有，今次最多送汽水🥤比我喎😅😅😅。好啦好啦，下次下次下次大概可以(好似係)。btw雖然店舖細細，但望到入面好整齊，而且menu非常清晰👍🏻，抵讚。等咗陣就有嘢食了，唔好睇個飯碗好似好細咁，其實超深🤭，勁多飯🍚超飽，如果叫大飯應該夠2個人食！餸就有幾片牛肉同3隻雞翼(大飯應該有4隻雞翼)，2款味道都ok，不過啲牛肉同牛汁好似都係吉野🏠惹味啲，而且牛肉量可以多啲；雞翼正常但就唔覺有壽喜燒味😂。另外整淋咗嘅洋蔥配飯好好味😋。最後就係嬸嬸送嘅汽水，佢推介嘅菠蘿汁🍍係唔錯啵！總括嚟講，抵食，味道唔錯，份量多(啱哂飯桶🍚🙈)。如果去開附近又好肚餓真係可以一試👍🏻，而且佢仲有其他小食。