彩晶軒 (已結業)

Family dinner, 之前聽朋友講呢度好食又抵食，朋友送左張100蚊coupon 我。今晚family dinner就打算用左佢。但食過之後又唔覺得係朋友講得咁好食。。我地七個人叫左8個餸，一開始上菜速度始快，一黎就上左四五個，薑葱桶蠔煲唔夠味，不過蠔都算大隻。鮮蝦肉丸浸莧菜，莧菜新鮮，但個鮮蝦肉丸我就唔見到粒肉丸或碟菜有蝦，但我食到尾先發現有呢個問題，所以冇同酒樓講。。XO醬帶子桂花蚌完全食唔到有XO醬既味，幸帶子同蚌新鮮，為呢味菜挽回小許分。乳豬半隻，全晚呢隻豬叫做像樣點，皮脆肉嫩，唔使點醬都好食。蒸元貝，不過不失。以上呢幾個菜一次過上晒，不過之後嗰幾樣就等到飯都凍晒同清晒枱面既野都未到，催左兩三次，有個女部長定經理話：上得喇？諗住等你地食完隻豬先上丫麻。咁都得？隻豬一早食晒啦！再等左陣，先黎個欖角排骨同炒鮮菌。欖角排骨甜甜地幾惹味，送飯一流，炒鮮菌就冇乜特。