飯飯店 (已結業)

一班人去食飯，最岩緊係食中菜啦，叫幾個小炒呀、菜呀、煲呀一齊share食真係又warm又正嫁。講真食中菜喱啲野好少會食到伏嘅，不過話好出色嘅又唔係咁易搵到嫁喎，今日食嘅喱間，係少數我覺得每樣野都整得好出色嘅食店。辣酒煮花螺 ($168)花螺出面好多地方都有，次次叫完都無咩驚喜，但係今次竟然令我眼前一亮。呢味菜嘅靈魂，佢既辣汁，辣度中高，辣得黎有唔同層次，唔會辣得好死食唔到其他味，香料味緊隨後勁，酒香慢慢浸出黎，非常出色，拎黎撈飯一流。蒜蓉粉絲蒸娃娃菜（$78）娃娃菜面舖滿大量嘅蒜蓉去蒸，一上枱已經聞到好強嘅蒜蓉味。娃娃菜嘅清甜同蒜蓉嘅甘香味互相好配搭，調味偏向輕口清淡，所以就算食埋下面嘅粉絲都唔會話好heavy好油膩，屬健康之選。花雕醉乳鴿 （$118）份量十足，滿滿嘅乳鴿盛載係隻大碟上面。一上枱已經聞到好正嘅花雕酒香，就知道落足料去炮製啦。食落果然無失望，乳鴿有好香濃嘅花雕香，咬落亦都好入味，鹹鹹香香，證明浸泡嘅時間好足，但係肉質都仲係好嫩滑，肉感豐厚咬落每一啖都係肉。豬手都好推介，外皮脆卜卜，肉質彈牙，脂肪部分又夠淋，味道偏重口，如果點埋佢個汁就鹹左少少，不過真係好野味嫁。