Doodie Cafe Bar (已結業)

去開荃灣見到呢間Doodie Cafe Bar標榜手工啤就打算入去食野兼試下佢嘅手工啤喇入到去氣氛好好，好適合同朋友黎飲下酒傾下計。Menu都有好多唔同種類嘅野食，有唔同嘅主食好似意粉同熱狗咁，另外都有好多小食岩哂送酒用，嗰陣仲咁岩有聖誕set course添，都幾抵食手工啤酒有好多唔同選擇，多到我都唔知揀邊樣好最後就揀左隻draft嘅麥啤同呢個獅子山下麥之戀人，味道都唔錯好香麥味，岩哂中意手工啤嘅人黎啦。食物方面就叫左幾款小食首先有呢個香煎牛舌有9同5塊揀，黎到就發現佢好厚切，煎得好香配埋芥末好match之後仲叫咗個魚手指，同平時出邊食到嘅好食好多，大大舊脆脆地咁味道好好。呢個醉鴨舌見到好多枱都有叫，鴨舌每一條都超爽，加埋少少酒味有種好清新嘅感覺最後仲叫左個軟殻蟹熱狗，就咁睇相都知個蟹炸到好脆，成隻蟹咁樣食勁正呀! 加埋新鮮嘅沙律菜夠哂滿足。呢間bar除左啤酒夠多夠正之外，野食同小食都好有水準，無論傾計定食野都好岩黎呢度。