影片
更多
2022-11-29
1198 瀏覽
約左朋友出嚟聚舊，友人一向都很喜愛嘆茶，所以今次就特意選了油麻地「花園酒家」。酒樓喺呢區經營多年，口碑向來不俗，所以平日都有唔少街坊熟客嚟幫襯。我哋大約中午 12 點到，見到大堂已經幾乎坐滿了食客，幸好知客眼明手快，即刻為我倆安排了轉角處的位置，地方不錯，環境較清靜。 細閱餐紙，點心選擇多不勝數，另外還有一系列精選小菜、特色粉麵飯、燒味和惹味小食等供應。我揀左兩款點心，而友人就負責點小食。雪山叉燒包 ($25.8) 叉燒包上桌時仍熱辣辣，外皮酥香鬆化，入面餡料十足，叉燒鹹香帶甜，趁熱食最好味。生滾魚片粥 ($29.8) 粥底煲得好綿，魚片數量特多，魚肉嫩滑又無骨，入口味道挺鮮甜。脆炸妙齡鴿 ($48) 乳鴿外皮炸得相當香脆，但食落又唔會太油，加上 Size 剛好，唔算特大，反而令鴿肉更加嫩滑，入口啖啖 Juicy。另外呢客椒鹽魷魚鬚 ($48) 水準亦唔錯，外層炸粉唔會過厚，椒鹽嘅分量亦拿捏得十分準繩，加上魷魚鮮味足，食落好香好惹味。鹵水鵝掌翼 ($48) 鹵水鵝掌同鵝翼啖啖肉，絕對唔係皮包骨嗰隻，而且味道亦啱啱好，鹵得很入味，唔太咸，good！ 最後大家 Share 左個化皮
約左朋友出嚟聚舊，友人一向都很喜愛嘆茶，所以今次就特意選了油麻地「花園酒家」。酒樓喺呢區經營多年，口碑向來不俗，所以平日都有唔少街坊熟客嚟幫襯。
我哋大約中午 12 點到，見到大堂已經幾乎坐滿了食客，幸好知客眼明手快，即刻為我倆安排了轉角處的位置，地方不錯，環境較清靜。
細閱餐紙，點心選擇多不勝數，另外還有一系列精選小菜、特色粉麵飯、燒味和惹味小食等供應。我揀左兩款點心，而友人就負責點小食。
雪山叉燒包 ($25.8) 叉燒包上桌時仍熱辣辣，外皮酥香鬆化，入面餡料十足，叉燒鹹香帶甜，趁熱食最好味。
生滾魚片粥 ($29.8) 粥底煲得好綿，魚片數量特多，魚肉嫩滑又無骨，入口味道挺鮮甜。
脆炸妙齡鴿 ($48) 乳鴿外皮炸得相當香脆，但食落又唔會太油，加上 Size 剛好，唔算特大，反而令鴿肉更加嫩滑，入口啖啖 Juicy。
另外呢客椒鹽魷魚鬚 ($48) 水準亦唔錯，外層炸粉唔會過厚，椒鹽嘅分量亦拿捏得十分準繩，加上魷魚鮮味足，食落好香好惹味。
鹵水鵝掌翼 ($48) 鹵水鵝掌同鵝翼啖啖肉，絕對唔係皮包骨嗰隻，而且味道亦啱啱好，鹵得很入味，唔太咸，good！ 
最後大家 Share 左個化皮燒腩仔飯 ($45)，腩仔切成一口大小，皮層香脆鬆化，肥脂爽軟不油，肉味香濃又無半點油膩感，用嚟送飯食一流！
張貼
