星記海鮮飯店 (The Phoenix) (已結業)

約左幾個附近返工嘅朋友仔一齊食飯，大家lunch time都有少少出入，所以揀去呢類飲茶之類嘅飯店比較就到大家時間。私房健康野菌豆腐：呢個係素菜，每次黎都會叫，夠淋，豆腐似溝左蛋同痴住啲芫茜一齊煎過咁，食落有質感，有咬口，佢啲野菌都好鮮味。咖喱醬炆牛筋腩：好香咖喱味，牛筋又夠淋，我唔食牛肉，所以無試牛腩。龍鬚炒通菜：同樣夠淋，好岩箍牙妹食，可能因為淋，賣相差少少。鳳梨生炒鮮肉排：呢個個汁真係好好味，菠蘿甜，燈籠椒爽，可惜肉排我咬唔到😢薑粒菜粒蛋白炒飯：略嫌味道淡左啲，但應該係健康之選。