星記海鮮飯店 (The Phoenix) (已結業)

First, the place was really stinky as soon as we entered.  It could be because of the moldy wall due to the old air-conditioning system and fish tank.  Then, we were given the wrong dish even though the record on our table was correct. Third, we simply asked for a small box to pack away the food that we could not finish but we were forced to take a larger plastic box with plastic bag and got charged for something that we did not want since they already put the charge on our bill.  I did not take

今日第一次來灣仔星記食生日飯，一行六人，分兩張枱。小菜不錯：椒鹽魷魚                $178（略貴，但好食）金沙苦瓜                $108（非常好食）咕嚕肉                     百多元（不錯）魚肚栗子炆雞      $218（不錯）芥茉牛柳粒           $198（不錯）黑椒粉絲蟹煲  （每兩$28，一斤四両）$560+30(粉絲）（新鮮，不錯）整體餸菜不太鹹，很適合本人。送例湯及糖水（都不錯），不收切餅費。共$1770，人均$300。由六點食到九點，慢慢食，傾下計，招呼好，又不用趕交枱，很人性化。家庭聚餐又個選擇，誠意推介。不過，今日的坐位較熱。

我喜歡在這間飯店吃其午市套餐，每個套餐有例湯及糖水送，上次來訪，相公和我選了一碟炒河粉另加了兩個套餐。前兩日再到訪，相公選擇了三個套餐；欖角話梅豬扒不酸反覺鹹鹹香香，豬扒掛汁吃很惹味又有嚼感。魚肚栗子炆雞煲味較濃，因此魚肚和原粒栗子吸收了這些汁很入味，又爽口。這碟蝦醬蘭度炒牛肉，蝦醬沒有蓋了牛肉的鮮味但菜卻吸了它的濃味。今午例湯是霸王花紅蘿蔔豬骨，很滑腸的湯呵！

未到中午在區内正找地方午飯，侍應回答已全場訂滿， 周旋一會勉強有位但需於一小時内吃畢二話不說即點了蔥頭菜蒸鮮肉餅，咖哩醬炆牛筋腩，沙爹鮮牛肉炒河餸菜未到先附送例湯節瓜鱆魚㷛豬骨，鱆魚味重湯好正😋😋肉餅甚有咬口遠勝一般機攪肉，肉味鮮而不膩😋😋咖哩汁香辣而味濃，筋腩冧軟適度，我用汁混合河粉吃了兩大碗😋😋牛肉河内加脆脆的腰果令河粉更有咬感，牛肉鮮嫩，沙爹醒胃😋😋贈送甜品綠豆沙軟绵不太甜，應讚😋😋坐下至结帳全程一小時完成👍🏼👍🏼

今晚八點響灣仔星記食晚飯. 一行七人叫咗以下餸菜 ：豉油皇海中蝦 - 隻蝦係大隻嘅,但係就炒得較老身同埋出嚟唔熱. 似乎油爆咗一段時間之後再番鑊上豉油. 以海鮮要求一啲都唔彈牙同埋冇乜鑊氣. 每隻$68輝哥煎鹹雞 - 放落嚟个碟雞唔熱, 夾咗一嚿肉唔熟, 退回. 再放第二碟都係唔太熱但比第一碟正常因為起碼都熟. 可惜以依個價錢隻雞一啲味道都冇, 冇雞鮮味, 亦都冇醃鹹嘅鹹味, 真唔知想點. $420隻生炒排骨 - 都好食係个顏色紅到過位 $158？椒鹽鮮魷 - 呢個做到應有嘅效果, 啲肉仲係好軟, 鬆脆, 入味同唔太油 $158？梅菜扣肉 - 正常$168上湯浸莧菜 - $118總括嚟講, 依個質素今次攞唔到星係正常嘅. 以價錢对比餸菜份量(較細), 味道出品等灣仔仲有好多選擇.值得一提反而係啲侍應服務態度良好, 亦肯聽意見之後反映畀廚房聽. 希望佢哋以後可以做好啲, 咁先留到客.

來到星記不吃她的海鮮, 反而點了她的家常小菜, 當中的輝哥煎鹹雞令我想起母親的煮菜風格. 她常常會買新鮮雞做白切雞, 吃完剩下來的第二天就會煎起來當晚飯餸菜, 既環保又便宜. 這家的煎雞用上簡單的蔥蒜薑作配菜, 就是很有媽媽的味道. 椒鹽百福豆腐件頭比不少小菜菜館大塊, 外脆內裡嫩滑, 鹽度適中, 這就是簡單的美味. 至於麵醬矮瓜牛肉中的矮瓜吸收了醬汁的味道, 送飯一流, 牛肉沾上了麵醬的味道也夠惹味, 只是牛肉肉質有點老, 似乎有點煮個頭就是.

由開業食到而家，只要諗唔到食乜中菜就會黎星記。今日last minute 先訂椒鹽瀨尿蝦，好食到不得了！ 蟹鉗，南乳蓮藕炆五花腩，都是我們的至愛！ 性價比高而且很一直保持高水準的海鮮飯店！❤️

雖然星記2020摘唔到星，但佢地有D菜色真係幾好食。今日公司團年，所以比我地平時食午飯時D菜式特別。首先杏汁花膠燉白肺真係冇得頂，用足料煲，湯渣都有一大碟。第二好味係金醬煎大蝦配鍋粑，D蝦好大隻醬汁配鍋粑好惹味。芥末龍鬚好特別，但如炒得乾身啲會更加好。九肚魚都好味，但炸粉今日多了少許。其他菜都有水準。最後炒麵炒得夠乾身。

以呢個價錢，座位及枱與枱之間嘅空間相對較狹窄!一直都很想投訴，椒鹽鮮魷椒鹽九肚魚，沒有椒鹽味道，雖然炸得鬆化，但是九肚魚魷魚就是沒有味道，魚冇魚味，最後要求俾碟椒鹽⋯店員例必推介鹹煎雞，生炒骨，豉油煎蝦碌，份量較少。鹹煎雞半隻$200 ，望上去只係十數粒，點睇都唔似有半隻雞份量，因為細細粒，斬得太碎，比較多碎骨，一口一粒，佐酒不錯。生炒骨控制得宜，不太甜不太酸，每粒size 適中，一口一粒。若然枱與枱之間及座位距離寬闊一點就舒服晒。

舊同事另謀高就，我們一行十多人為同事慶祝。星記一向是我們的飯堂，圍枱坐得舒服之餘，又方便傾計。杏汁白肺花膠湯是必叫的，足料又滋潤，那盆湯渣每次都很震撼。（如要點這道湯，請記得預約。）蝦籽柚皮是星記的招牌，聽說處理柚皮步驟繁複，特別是柚皮的苦澀味是很難去除， 就係呢陣苦澀味尤其受有練歷的同事歡心。椒鹽鮮魷極邪惡，炸粉漿薄薄的，鮮魷大塊又厚肉， 咬落非常有口感。炸豆腐有點失手，之前食都是外脆內滑，醬汁亦好惹味。可是今次有點普通，豆腐不夠滑，醬汁也不是很香。蔬菜方面，我們叫了薑汁炒芥蘭和梅菜配菜心，芥蘭炒得夠脆，薑汁辣得黎又唔會搶左芥蘭既鮮味， 菜心就不過不失色，感覺似係煮好一段時間。總結黎講，星記話哂都是米芝蓮星級餐廳，保質有保證，值得推薦。p.s. 最後送左紅豆沙糖水作結，友人表示相當滿意，少少甜頭，十分歡樂

我成日同老公講 星記海鮮飯店 嘅椒鹽大尾魷好好食，佢比我洗咗腦一輪終於忍唔住要我同佢去食啦😂😂😂 ..不過結果爆冷，佢竟然覺得生炒骨 再好食啲碟碟都好大碟夠哂份量，食得好滿足呀

約左幾個附近返工嘅朋友仔一齊食飯，大家lunch time都有少少出入，所以揀去呢類飲茶之類嘅飯店比較就到大家時間。私房健康野菌豆腐：呢個係素菜，每次黎都會叫，夠淋，豆腐似溝左蛋同痴住啲芫茜一齊煎過咁，食落有質感，有咬口，佢啲野菌都好鮮味。咖喱醬炆牛筋腩：好香咖喱味，牛筋又夠淋，我唔食牛肉，所以無試牛腩。龍鬚炒通菜：同樣夠淋，好岩箍牙妹食，可能因為淋，賣相差少少。鳳梨生炒鮮肉排：呢個個汁真係好好味，菠蘿甜，燈籠椒爽，可惜肉排我咬唔到😢薑粒菜粒蛋白炒飯：略嫌味道淡左啲，但應該係健康之選。

灣仔一帶好多出名小菜，朋友推薦黎呢間， 就嚟試一試。先講服務係唔錯嘅，食完都有問我哋滿唔滿意， 我記得埋單約$280一位， 係飽住走嘅， 小菜就同食開嘅差唔多啦。訂枱時朋友話先訂花膠豬肺湯同埋鹽焗雞，我諗呢兩樣應該係佢試過值得推介嘅菜式， 豬肺湯足料，花膠煲完之後仲可以夾起離食。 鹽焗雞冇乜特別。另外仲有叫咗椒鹽鮮魷、梅菜菜心、咕嚕肉同琵琶豆腐， 係琵琶豆腐個皮做得冇咁鬆化， 其他都唔錯。至於壽桃包同我想像中就有啲分別， 連蓉心內冇鹹蛋黃有少少失望。

復活節不外遊，留港消費，有老人家，有小朋友，揀間位置方便的，食物又美味的，預早十天訂枱，所以可以坐在內堂，不用坐電梯門口，d伙記非常熱情好禮貌，食物美味…老少咸宜⋯⋯

韓國菜、日本料理、意大利餐廳……出外跟朋友搵食，選擇看似很多，但其實來去也是那幾款菜系，有時想簡單一點，選家好吃得來，消費又不會太高的小菜館，其實都幾難，直至前排跟朋友試過星記後，食物做得出色，又不收開瓶費，故頓變成我們飲酒飯聚的地方了！也許是周末的關係，晚飯要分兩輪，餐枱還要放到出門口，實在誇張。好在上菜效率很高，我們一圍十個人八個菜，有足夠時間用餐也不會感覺太趕。 先來椒鹽魷魚，看上去平平無奇，不過一吃就知師傅用的魷魚揀手，肉身夠厚，入口嫩滑不韌，沾上的炸漿薄薄的一層，又做到香脆感，足見師傅的功力！ 接著是輝哥煎鹹雞，可能雞件是生煎的原故，雞件斬得較碎，好較易煎熟。上桌時雞夠乾身，表面帶微微焦香，入口保持了肉的彈性，鹹度剛好，十分好佐酒。 生炒骨就是我的至愛，夾著排骨可以拉絲，即使放久了，吃下去表面還有鬆脆的感覺，酸甜度調較得恰到好處，以新鮮菠蘿做配菜，有天然的香甜。 梅菜蒸菜心是店員推介的，梅菜下得夠慷慨，事前加了肉碎再炒香過，故尤其惹味，菜心條條拇指般肥壯，蒸的時間不會過長，入口不會太腍，帶微爽。 雲耳勝瓜浸豬膶，更是叫人慾罷不能！賣相不甚講究，但豬膶質感卻是粉嫩得如BB肌一樣