海都海鮮酒家 (已結業)

尋日黎左呢度飲茶, 全因為有人吹雞宴客, 坦白講興趣真係冇咩, 迫於無奈下唯有勉為其難而去啦! 其實已經係第二次黎呢度飲茶, 感覺都係一般! 七個人坐底後, 齊齊商量柯打d咩食好, 最後叫左XO醬腸粉, 蝦餃, 椒鹽玉子豆腐, 珍珠雞, 紅油抄手, 叉燒飽同埋例湯等等!坦白講真係冇咩特別出色, 椒鹽玉子豆腐叫做比較好, 椒鹽好脆好香, 加上玉子豆腐好滑, 細細粒幾好味; 而XO醬腸粉完全食唔到有XO醬嘅辣味, 腸粉就一般啦; 例湯係紅蘿蔔煲咩, 不過湯底唔肥, 冇味精都幾好啦; 至於其他食物都係普普通通, 冇咩特別值得講!終括黎講食物質素普普通通, 地方環境舒服, 服飾亦都殷勤友善, 唯獨價錢偏貴, 小點廿二, 中點廿亦, 大點三十, 埋單過千絕對唔算抵食! 如果唔係有人吹雞, 師傅相信都唔會黎; 飲茶還是同屋企人好, 吃得盡情好多; 呢間食店師傅一定唔會主動黎, 有冇下次還是隨緣!