影片
更多
2024-08-02
3909 瀏覽
今次我地黎左一間單點燒肉店食飯，呢度既特色係有部清酒機，每位$148就可以任飲90分鐘，我都飲酒既，但飲唔得多就冇試到🍶餐廳有普通枱，仲有bar枱，我地就坐左bar枱位，感覺特別d，餐枱有餐所有用具，最好既係濕紙巾同紙巾都有，每人有3款調味，分別係燒汁，柚子醬，自家製酸汁🥢酒盜薯仔沙律（$68）酒盜係一種餸酒一流既小菜，係醃製既漬物，味道偏咸，用黎撈個薯蓉沙律都唔錯，仲有配埋油醋汁，就有多d沙律feel🥗酒盜芝士（$68）酒盜芝士要配埋餅一齊食，比起沙律佢更重口味，餸酒一流，就咁食會覺得咸左d🧀甲羅燒（$108）店員教我地燒呢個甲羅燒，燒佢滾一次撈一撈佢，再滾多次大約1-2分鐘就食得，要趁熱食，唔係凍左會腥，個蟹膏咸味夠，又係一款餸酒美食🦀鹿兒島A4和牛盛盒（三角胸小排，肉眼蓋，背峰）（$488）呢個和牛盛盒有3個部位，每款有4塊，落左黑椒調味，有入口即溶既感覺，店員話燒法係燒熟一邊，再反轉4秒就食得🐮炭火雞（$98）炭火雞會有職員幫手燒，炭火雞付有wasabi比客人點黎一齊食，黑色既醬係食用炭汁，燒完有陣炭燒香味🐥南非鮑魚（$88）柚子胡椒醬用黎點鮑魚就最適合，本身店員用黑椒調味，燒
餐廳有普通枱，仲有bar枱，我地就坐左bar枱位，感覺特別d，餐枱有餐所有用具，最好既係濕紙巾同紙巾都有，每人有3款調味，分別係燒汁，柚子醬，自家製酸汁🥢
酒盜薯仔沙律（$68）
酒盜係一種餸酒一流既小菜，係醃製既漬物，味道偏咸，用黎撈個薯蓉沙律都唔錯，仲有配埋油醋汁，就有多d沙律feel🥗
酒盜芝士（$68）
酒盜芝士要配埋餅一齊食，比起沙律佢更重口味，餸酒一流，就咁食會覺得咸左d🧀
甲羅燒（$108）
店員教我地燒呢個甲羅燒，燒佢滾一次撈一撈佢，再滾多次大約1-2分鐘就食得，要趁熱食，唔係凍左會腥，個蟹膏咸味夠，又係一款餸酒美食🦀
鹿兒島A4和牛盛盒（三角胸小排，肉眼蓋，背峰）（$488）
呢個和牛盛盒有3個部位，每款有4塊，落左黑椒調味，有入口即溶既感覺，店員話燒法係燒熟一邊，再反轉4秒就食得🐮
炭火雞（$98）
炭火雞會有職員幫手燒，炭火雞付有wasabi比客人點黎一齊食，黑色既醬係食用炭汁，燒完有陣炭燒香味🐥
南非鮑魚（$88）
柚子胡椒醬用黎點鮑魚就最適合，本身店員用黑椒調味，燒既時候再落牛油，味道整得好好食，件鮑魚又夠新鮮彈牙😋
波板糖豚肉串（2串）（$68）
波板糖豚肉串個樣幾特別，燒好之後當佢波板糖咁成支食，咬落啖啖肉，好滿足既感覺🐷
伊比利亞豬肋條（$78）
豬肋條既顏色鮮艷，脂肪分佈得平均，肉質彈牙🐽
日本雞頸（$68）
雞頸本身有醬汁醃住，而且好入味，肉質唔韌，嫩口雞柳咁既口感🐤
日本雞心（$58）
同雞頸一樣，用醬汁醃得夠入味，雞心既口感就似雞腎，但係佢就唔係彈牙，比較d肉實d咁🫀
美國牛舌（厚切）（$118）
個厚切牛舌彈牙唔韌👅
信州蘋果梳打（$48）
富士山柚子梳打（$48）
我地冇叫飲酒放題，叫左兩枝日本既梳打，果味好香，呢個牌子飲品我見親都會嗌，好味🍾
呢間餐廳既燒肉價錢合理，平均一碟唔過$100，貴價貨亦都真係有番相對既質素，飲酒既朋友就真係必食之店，部酒機我見到都想玩，勁多款，仲有食物又好岩餸酒，食到一半都有d後悔早知照試下個酒，但已經叫左飲品就算😗
張貼
