金妹記大排檔

營業中

休息中

一大班朋友响尖沙咀食飯，首選更係金妹記。落地庫果間，不是上五樓果間啊，好食好多嘅！店內佈滿香港大排擋特色，淨係用戰鬥碗飲啤酒，已經飲得特別起勁！今晚一枱十二人，叫得滿枱都係餸，豬手送啤酒，非常抵食。比較滿意嘅有冰震鮑魚、沙拉骨、羊腩煲、辣酒花螺 ; 反而黃金蝦令我最失望，味道正常，但非常細隻，而且肉質有點梅。另外$128/4隻粉絲蒸元貝，味道亦ok，但可惜蒸過了，肉質偏靭。椒鹽鮮魷也搞不清係食炸粉還是鮮魷。嗯！今晚是失手還是退步了？