影片
更多
2016-03-12
3343 瀏覽
位於The Wellington 29/F嘅lounge環境service又好，又睇到夜景，七點幾上到去仲無人，唔覺意包咗場！Cleopatra Formosa ($150)本身呢杯Cleopatra Formosa係cocktail，不過我唔飲酒，調酒師幫我轉咗做無酒精嘅薑啤，另外仲有pineapple syrup，lime juice ，soda 等等。最架勢堂係呢個重量十足嘅金菠蘿，一打開仲有煙冒出，又會發光， 味道仲非常好！不過價錢都幾貴。Iberico pork katsu sandwich , pineapple bun, shaved cabbage ($128 /2pcs)伊比利亞黑毛豬用嚟做ham就食得多，炸黑毛豬扒就真係第一次食。一客2件嘅炸黑毛豬扒菠蘿包用一個小蒸籠裝住，每籠一件，賣相可愛，菠蘿包個面比一般脆身，但食落同樣甜甜的，炸豬扒肉厚而且鮮嫩，咬開仍有肉汁，配上豬扒醬汁同椰菜絲，啖啖滋味！Parmesan truffle fries, truffle mayo ($68)非常非常好食嘅truffle fries！呢款Parmesan truffle frie
位於The Wellington 29/F嘅lounge環境service又好，又睇到夜景，七點幾上到去仲無人，唔覺意包咗場！
Cleopatra Formosa ($150)
本身呢杯Cleopatra Formosa係cocktail，不過我唔飲酒，調酒師幫我轉咗做無酒精嘅薑啤，另外仲有pineapple syrup，lime juice ，soda 等等。最架勢堂係呢個重量十足嘅金菠蘿，一打開仲有煙冒出，又會發光， 味道仲非常好！不過價錢都幾貴。
Iberico pork katsu sandwich , pineapple bun, shaved cabbage ($128 /2pcs)
伊比利亞黑毛豬用嚟做ham就食得多，炸黑毛豬扒就真係第一次食。一客2件嘅炸黑毛豬扒菠蘿包用一個小蒸籠裝住，每籠一件，賣相可愛，菠蘿包個面比一般脆身，但食落同樣甜甜的，炸豬扒肉厚而且鮮嫩，咬開仍有肉汁，配上豬扒醬汁同椰菜絲，啖啖滋味！
Parmesan truffle fries, truffle mayo ($68)
非常非常好食嘅truffle fries！呢款Parmesan truffle fries, truffle mayo 用一個小麻布袋裝住，上面有滿滿嘅parmesan cheese，下面有一隻泥鏟，啡色一粒粒似足泥土嘅其實係黑松露脆同松露蛋黃醬。薯條一送到已經傳嚟好香嘅松露香味，每條薯條都炸得香脆不油膩，配上松露蛋黃醬同松露脆脆真係令人食到停唔到口，而且份量其實好多，醬汁亦絕對足夠。
Sea salt caramel ice cream sandwich ($58)
平時嘅海鹽焦糖雪糕已經將海鹽混入雪糕裏面，但呢度係將海鹽同雪糕三文治分開，可以按個人喜好點上適量嘅海鹽進食。雪糕外層係曲奇，厚度適中，鬆化帶牛油香，中間夾住厚厚嘅焦糖雪糕然後一分為四，雪糕唔容易溶，而且creamy無冰感， 伴上點點嘅海鹽食起黎更加滋味！
Warm house baked pineapple bun, chilled caramel butter ($78 /2pcs)
高級菠蘿油，呢個小小嘅菠蘿油每一個都用迷你蒸籠裝住，賣相可愛，一客有兩個，菠蘿包上面嘅脆皮比一般脆同硬，中間夾住皮厚厚嘅凍焦糖牛油，一開頭仲以為係雪糕，食真啲先發現係冰冰哋嘅牛油，牛油有焦糖味，帶點點咸，中西混合幾有趣。
好喜歡呢個地方，30/f嘅餐廳好似仲正，希望下次有機會去。
張貼
