老鍋台式火鍋 (金馬倫道) (已結業)

去唔到旅行，食住美食當自己去咗先啦(˶‾᷄ ⁻̫ ‾᷅˵)-今次同朋友去位於尖沙咀嘅台式火鍋［老鍋］二人餐先揀湯底老饕酸菜白肉鍋，估佢唔到一上菜入面已經好豐富，有蔬菜同五花肉之外仲有寬粉條係入面。（呢個好值得欣賞，每次食火鍋坐低叫餸再等佢黎再等佢煮熟，每次都等到好肚餓，天荒又地老ಥ_ಥ）今次一埋爐有嘢醫下肚，仲要煮到入哂味，酸酸味味好食得黎又開胃。-配菜之後揀左老鍋丸井字盤，入面其中一個麻辣滷肉丸推介推介，我唔食辣嘅都覺得值得試，麻味夠唔會辣到無咗肉味，juicy，正！美國梅花豬肉，每塊都切得薄，脂肪分佈平衡，快熟有咬口。-仲要小食叫咗個夜市炸臭豆腐。媽呀！炸得好好食，係有夜市嘅味道((˶‾᷄ ⁻̫ ‾᷅˵)飲品選烏梅汁，清熱下火，中和返打邊爐嘅熱氣，嘻嘻嘻！-另外，特別推介呢個綠菜麵x當歸麵。本身上菜已熟可當冷麵食，但個人黎講當歸味太重有點苦，所以我選擇另一食法，放落鍋煮。煮完當歸味無咁重，又熱辣辣索埋啲湯汁，滑滑嘅麵身好正👍🏻