冬蔭公公 (已結業)

之前都有食過,再次幫襯.叫左兩個下午茶餐同拼盆.泰國冬陰功豬排湯檬:豬排好正,大大件又入味,唔會作舊骨,湯底叫左BB辣,怕辣嘅人最適合,食落酸酸地,幾開胃.檬粉份量幾多,同個冬陰功湯好配合.泰國冬陰功燒全隻蜜汁雞翼湯檬:蜜汁雞翼就失敗左D,好重雪味,好在肉質都冇霉,完全冇咩味.公公拼盆:有蝦餅,泰式春卷,豬頸肉,酸辣鳳爪,沙嗲串燒蝦2支,沙嗲串燒雞2支.蝦餅,肉可以都彈牙,可惜有小小炸燶左.泰式春卷,好味,炸得好脆口,用料十足.豬頸肉,一般,又是可能雪得耐,有小小雪味.酸辣鳳爪,好正,酸辣味好出,鳳爪好入味,好有口感.沙嗲串燒蝦,燒蝦燒到剛剛好,唔會太乾,好香口,個沙嗲醬好有花生味,做得幾好.沙嗲串燒雞,同燒蝦一樣都唔錯,入口雞肉好滑又入味,配上沙嗲醬真一流.個涷拉茶,都唔錯,茶味好香滑,茶味足.可以一試.