圓方餃子粥麵

營業中

休息中

聽過圓方餃子店好多次，今日終於經過深水埗試一試。本身想試西洋菜餃，點知佢落錯咗韮菜餃。$28 8隻湯餃。可以轉5隻餃連麵底。大食嘅可以選擇$28 8隻餃，另外加麵底加$8。我好鍾意食餃，所以揀咗後者。佢個麵嘅份量唔算多，餃嘅饀都唔算好豐富。所以叫8隻餃再加麵底食完都唔算好飽。魚湯好清，有淡淡魚味，應該係真材實料，起碼我飲哂個湯都無覺得好渴要飲水。韮菜餃無乜特別大驚喜，唯一一點值得講嘅就係佢嘅韮菜唔係個啲你食完啲韮菜味會keep足三日三夜個隻，食完唔會keep住啲韮菜味唔散。煎韮菜餃$17 3隻。煎餃size等於2隻湯餃。煎餃值得一讚，煎得好脆口，味道對比湯餃濃啲，好食啲。