鼎尚棋哥燒鵝湯館 (已結業)

今日行過尖沙咀爸爸話行前D有個戲曲中心想去睇下，因為疫情冇得睇戲曲，但果度既環境都幾舒適，所以就當行街咁行下，行行下見到大大個鼎爺紙板公仔，原來鼎爺有間燒味店係度，咁好機會梗係入去試試!睇完MENU就叫左兩盅燉湯、兩個飯加個燒腩仔食下!三菌螺頭燉烏雞湯、西洋菜陳腎無花果湯我地叫左三菌螺頭燉烏雞湯同西洋菜陳腎無花果湯，估唔到咁足料!一盅既食材夠平時煲二人份量既湯!首先三菌螺頭燉烏雞湯既三菌有姬松茸、蟲草花、羊肚菌，蟲草花就成日接觸，但姬松茸同羊肚菌真係第一次試，估唔到味道係咁鮮甜，成個湯好香濃，螺頭味道都好出，感覺養生又健康!而爸爸叫既西洋菜陳腎無花果湯雖然平時都飲到，但呢度既湯真係有回甘既味道，唔知係咪因為用燉既方法處理所以有咁既味道呢!係屋企完全飲唔到呢種回甘鮮甜味~唔錯!脆皮燒腩仔燒腩仔份量好多，每件切得細細件容易食，食燒腩仔最怕肥膏多而肉少，呢度既燒腩仔絕對合格，肥瘦分明之餘表皮脆卜卜，點埋黃芥辣食簡直一絕!秘制叉燒飯叉燒有成9件，份量唔吝嗇!雖然俾既唔係半肥瘦叉燒，但食落都唔會好似食柴皮咁，撈飯食唔錯!飯底方面爸爸表示滿意但我就覺得太淋，可能因為戲曲中心都係老人家較多?玫瑰豉油