影片
更多
2024-08-10
174 瀏覽
難得朋友今日得閒，約埋一齊食午餐。一於同佢去土瓜灣搵嘢食，見到有間舖叫「遇見您」個名都幾特別，原來係西式咖啡店，仲有西式糕點，一於入去試下。坐低睇下個餐牌見到唔止有西餐食，仲有中餐的，啱曬我哋要求。我叫咗煙三文魚黑松露蘆筍炒飯（$78)上枱就聞到黑松露嘅香味，煙三文魚份量都好多，蘆筍炒得爽脆，米飯粒粒分明又夠乾身，足料又好味。朋友叫咗芝士鮮茄焗厚切豬扒飯（$98)即叫即焗，要等15至20分鐘，炒飯底有洋蔥和雞蛋，豬扒切開一條條比我哋方便食用，而且肉質鬆軟，新鮮番茄加上芝士和醬汁，越食越開胃。又叫咗自家秘製火山骨（細份$88)上枱嘅時候都估唔到咁多，一共有四大件，每件都有好多肉，店家好細心，畀埋手套可以用手將火山骨啲肉撕出嚟，肉質軟淋，非常惹味。裝修企理乾淨，坐得好舒服，店員又有禮貌。聽到店員同食客傾計，感覺好親切，食客應該住喺附近，經常嚟光顧。我都覺得味道唔錯，值得推介。📍遇見您土瓜灣漆咸道北423-433號怡輝大廈地下1號舖
坐低睇下個餐牌見到唔止有西餐食，仲有中餐的，啱曬我哋要求。
我叫咗煙三文魚黑松露蘆筍炒飯（$78)上枱就聞到黑松露嘅香味，煙三文魚份量都好多，蘆筍炒得爽脆，米飯粒粒分明又夠乾身，足料又好味。
朋友叫咗芝士鮮茄焗厚切豬扒飯（$98)即叫即焗，要等15至20分鐘，炒飯底有洋蔥和雞蛋，豬扒切開一條條比我哋方便食用，而且肉質鬆軟，新鮮番茄加上芝士和醬汁，越食越開胃。
又叫咗自家秘製火山骨（細份$88)上枱嘅時候都估唔到咁多，一共有四大件，每件都有好多肉，店家好細心，畀埋手套可以用手將火山骨啲肉撕出嚟，肉質軟淋，非常惹味。
裝修企理乾淨，坐得好舒服，店員又有禮貌。聽到店員同食客傾計，感覺好親切，食客應該住喺附近，經常嚟光顧。我都覺得味道唔錯，值得推介。
📍遇見您
土瓜灣漆咸道北423-433號怡輝大廈地下1號舖
張貼
