影片
更多
2024-02-23
27 瀏覽
《灜鐵板燒- 尖沙咀》過年Enjoy完一連幾日獨處me time之後，又約人出去搵食。未過正月十五都未叫過完年，所以過年一定搵間好野食！今晚又黎尖沙咀搵左間性價比高嘅鐵板燒。有人可能覺得喺香港食親鐵板燒都要過千一位，如果你想食鐵板燒，又想價錢親民d幾百蚊位，呢間係好選擇了！食鐵板燒有幾樣野好重要，食材、師傅手藝同埋師傅好唔好傾都好重要！今晚嘅鐵板燒師傅Ken哥就做到哂以上嘅野，好傾又好功夫！未埋爐之前先黎個沙律，今餐我地少有地多海鮮少肉，主要因為我呢排食肉太多想換換口味！我喜歡個沙律秋葵，成件事簡單開胃。黑魚子鵝肝蒸蛋鵝肝係鐵板燒必備之物，今次呢度就將佢融入蒸蛋，做左個好似茶碗蒸咁嘅概念嘅菜式。師傅即席煎鵝肝，再將鵝肝放入器皿，之後倒入調教好的蛋汁，喺鐵板上倒水蓋罩蒸煮。上菜之前放上黑魚子昇升層次，底部又有鵝肝甘香。沙巴野生大海虎蝦另外，食鐵板燒我都喜歡叫蝦。因為脆卜卜又易剝。特別講下佢個蝦頭煎完之後蝦膏四溢又有點焦香，蝦肉彈牙爽口，我幾推薦呢個！黃金銀鱈魚我多次喺不同食評都提到我好鍾意銀鱈魚，而呢道菜係好友今晚嘅MVP，在場其他食客對呢個菜評價都好高。銀鱈魚外脆卜卜略帶油香，上面配上
過年Enjoy完一連幾日獨處me time之後，又約人出去搵食。未過正月十五都未叫過完年，所以過年一定搵間好野食！今晚又黎尖沙咀搵左間性價比高嘅鐵板燒。有人可能覺得喺香港食親鐵板燒都要過千一位，如果你想食鐵板燒，又想價錢親民d幾百蚊位，呢間係好選擇了！
食鐵板燒有幾樣野好重要，食材、師傅手藝同埋師傅好唔好傾都好重要！今晚嘅鐵板燒師傅Ken哥就做到哂以上嘅野，好傾又好功夫！
未埋爐之前先黎個沙律，今餐我地少有地多海鮮少肉，主要因為我呢排食肉太多想換換口味！我喜歡個沙律秋葵，成件事簡單開胃。
黑魚子鵝肝蒸蛋
鵝肝係鐵板燒必備之物，今次呢度就將佢融入蒸蛋，做左個好似茶碗蒸咁嘅概念嘅菜式。師傅即席煎鵝肝，再將鵝肝放入器皿，之後倒入調教好的蛋汁，喺鐵板上倒水蓋罩蒸煮。上菜之前放上黑魚子昇升層次，底部又有鵝肝甘香。
沙巴野生大海虎蝦
另外，食鐵板燒我都喜歡叫蝦。因為脆卜卜又易剝。特別講下佢個蝦頭煎完之後蝦膏四溢又有點焦香，蝦肉彈牙爽口，我幾推薦呢個！黃金銀鱈魚
我多次喺不同食評都提到我好鍾意銀鱈魚，而呢道菜係好友今晚嘅MVP，在場其他食客對呢個菜評價都好高。銀鱈魚外脆卜卜略帶油香，上面配上邪惡嘅鹹蛋黃醬，俘虜左在場食客嘅心。魚皮脆加鹹蛋黃本身就好食，銀鱈魚又有油香，加上肉嫩，似乎真係呢道嘅招牌！
黑松露鮑魚
鮑魚係我海產上嘅TOP 3最愛！鮑魚喺我叫左野食無耐以前上左枱，不過果陣仲識郁，我同佢溝通到最後一刻，師傅就手起刀落。坦白講，黑松露我本身麻麻起。但鮑魚味道本身好鮮，口味彈牙。特別佢會另上個鮑魚肝，我覺得呢個先係重點，十分香濃！
佐賀和牛薄燒
作為牛魔王，點都要食下牛嘅！輕煎表面，薄切牛包住炸蒜同香蔥，經典食法！和牛標準入口即溶而，香氣十足！其實你食得鐵板燒都冇可能唔叫。
日式炒野菜
食哂主菜就一定係炒個菜平衡返，一份炒野菜其實唔細份，所以睇住叫。我喜歡呢度有埋芽菜同蘆筍，口感好好多！
鐵板炒飯
一間鐵板燒好唔好，其實好多時我都會睇個炒飯，所以大家見我食鐵板燒都一定叫炒飯。Ken哥都三番四次話呢炒飯佢拿手絕活，咁一定要試啦！粒粒分明好基本，個炒飯食材好豐富，特別係好多櫻花蝦，香之餘提供左一個脆嘅口感俾個炒飯。
最後上埋味噌湯同埋甜品俾我哋，朋友好開心因為甜品竟然係佢最愛嘅開心果雪糕。呢一份少少特別，就足證左餐廳有心機。細節一定加分！
張貼
