三原 (Cubus)

營業中

休息中

經熟人介紹，選擇呢間餐廳嚟同女朋友慶祝生日。食物質素及大部份員工都好好，生日歌同甜品個part讓我哋覺得好驚喜和開心，Ko San師傅及其他當日嘅員工都服務得到位及友善。唯獨是男經理Frankie讓我感覺體驗欠佳。係煮和牛前Ko San師傅事先有介紹和牛品種。之後經理展示出一張標示著和牛信息嘅牌，可能我唔識睇，同一張紙上邊分別寫嘅都係來自宮崎嘅和牛，我哋點嘅係宮崎和熊本各一份。當刻我以為自己落錯咗單，所以我係唔確定嘅情況下向經理諮詢，經理語氣強硬介紹一份係A4一份係A5及油脂分布各方面，並無清楚說明左邊同右邊分別是什麼。我唔確定所以問邊款係熊本，佢貌似好唔耐煩咁重複咗兩次「左邊囉 左邊囉」，（真係想問聲經理係咪係茶記定碼頭做過🤔？）。本身想出聲講，但係今日係女朋友生日，避免搞到不愉快。成個用餐過程我哋都係唔該前唔該後，唔明身為高級餐廳嘅經理解答問題點解都可以呢種態度，如果我知嘅話我就唔會問你啦。事後反映過該事情後店員提到另一位女經理會親自打電話反映此事，俾咗時間又話好忙，之後講經理WhatsApp再同我聯絡約時間，到頭來並無任何後續！想講呢間餐廳啲經理真係世一👍🏻一粒老鼠屎攪和成煲粥。