平昌

營業中

休息中

今晚又黎到旺角食晚餐，朋友話好想食韓燒，就Book 咗呢間超人氣的平昌試下。餐廳在最多人等位的兆萬中心，最好都一定訂咗位先，因為都頗多人，满座的。夜晚韓燒任飲任食都係$188一位，性價比高，而且職員都係韓國人來的，略懂廣東話，當然都可以用英文溝通。落單就係餐單上直接寫每樣野的份量，方便易睇。門口的飲品雪櫃，有樂天汽水，可樂，龍井茶等。有無限添加的新鮮生菜，辣泡菜，豆芽。烤蝦，大隻，蝦肉彈牙鮮甜，烤帆立貝，厚肉大粒，燒牛舌，薄切，肉質爽口。辣炒年糕，煙韌入味，少少辣。有豬頸肉，午餐肉，廚師腸，芝士腸，牛肋⻣肉等，嫩滑，燒得香口，可以夾生菜食都得。燒鰻魚，燒汁香甜，肉質淋身，入口即溶。煎海鮮薄餅，邊位好香脆，中間煎得淋身少少，有蔥同椒等係入面。仲要食埋送的甜品，賣相一流，香滑清甜。