影片
更多
2015-03-23
1061 瀏覽
IT點名要嚟呢間。靚女友人C已告誡英國人煮嘢好難食。兩個人叫兩個set。前菜煎焗蘇格蘭三文魚餅，又乾又嚡又腥。伴碟啲沙律又鹹又酸。波特菇柳橙蟹肉沙律伴松露油，啲菜冇切太大條唔知點食，松露油香味好假，蟹肉冇鮮味，橙亦唔甜。雜菌湯過鹹。波士頓龍蝦意大利飯啲龍蝦肉嚡冇乜味，拑好啲。飯就半生熟味道幾好。試咗啲IT嘅主菜皇室煙燻野生蘇格蘭三文魚柳，太燶味，而且雖然中間有啲粉紅色似半生熟但仍然係唔夠滑嚡嚡地。Cappuccino啲泡一陣就散哂，帶苦。唔食蛋糕就中和唔到。Prince William Groom's Cake (The Royal Chocolate Biscuit Cake)，好乾，唔係啖啖食到pistachio，有嗰啲就幾香，食到好“立”口，仲要$180+10%。個別侍應態度有禮，但可惜唔係熟手：唔記得比水、收咗刀叉唔記得比餐具我食第二道菜、廚房上每道菜速度不均、趕住收工未食完主菜就上哂啲咖啡、外帶食剩蛋糕冇比紙袋或叉我拎走、客未走哂拉住啲垃圾响隔離行過… 等。唯一可取係啲碟同plating都幾靚。差唔多連續四個禮拜日日試新店，呢間係最難食嘅。好明顯今日粒食神擰歪面睇唔到我…
兩個人叫兩個set。
前菜煎焗蘇格蘭三文魚餅，又乾又嚡又腥。伴碟啲沙律又鹹又酸。
波特菇柳橙蟹肉沙律伴松露油，啲菜冇切太大條唔知點食，松露油香味好假，蟹肉冇鮮味，橙亦唔甜。
雜菌湯過鹹。
波士頓龍蝦意大利飯啲龍蝦肉嚡冇乜味，拑好啲。飯就半生熟味道幾好。
試咗啲IT嘅主菜皇室煙燻野生蘇格蘭三文魚柳，太燶味，而且雖然中間有啲粉紅色似半生熟但仍然係唔夠滑嚡嚡地。
Cappuccino啲泡一陣就散哂，帶苦。唔食蛋糕就中和唔到。
Prince William Groom's Cake (The Royal Chocolate Biscuit Cake)，好乾，唔係啖啖食到pistachio，有嗰啲就幾香，食到好“立”口，仲要$180+10%。
個別侍應態度有禮，但可惜唔係熟手：唔記得比水、收咗刀叉唔記得比餐具我食第二道菜、廚房上每道菜速度不均、趕住收工未食完主菜就上哂啲咖啡、外帶食剩蛋糕冇比紙袋或叉我拎走、客未走哂拉住啲垃圾响隔離行過… 等。
唯一可取係啲碟同plating都幾靚。
差唔多連續四個禮拜日日試新店，呢間係最難食嘅。好明顯今日粒食神擰歪面睇唔到我…
張貼
