遇見您

營業中

休息中

今日去咗紅磡廣場夾公仔，夠鐘食飯就上網找找，見到間叫遇見您餐廳，見裝修唔錯，於是去遇下你。  我所見餐廳定位風格介乎cafe同冰室之間。  餐牌內有個必食推介，鎮店豬寶，👉芝士鮮茄焗厚切豬扒飯，豬扒厚得嚟淋身，外皮有小小香脆，炒飯底，汁唔算得，整體唔錯。 👉  野菌忌廉酥皮濃湯配松露油，菇味香濃，可以一試。 👉黑松露蘆筍雞肉炒飯，淡淡黑松露味，飯炒得幾乾身。  餐牌內食品選擇非常多，下次要再來試下其他扒及甜品先得。