三星台菜食堂 (The L. Square) (已結業)

依間台式食館，係其中一間lunch嘅飯堂，不過最近好多人，好難揾位，所以少咗去食。今日難得有位，就寫下食評。淨台式牛肉餛飩:今日唔係太肚餓，叫咗淨餛飩。餛飩隻隻都好飽滿，我分咗兩隻俾同事食後，都好夠食。牛肉餡好新鮮，一d都唔酥。皮雖然係攞貨，但係都軟熟，如果唔係太肚餓，值得一式。兩款配菜都ok, 不過份量少咗d。鹽酥雞扒養生麵:我試咗兩啖，養生麵湯底好香，有好多杞子，感覺上好補。鹽酥雞扒炸得好香口，但係配養生麵感覺怪怪的。扣肉飯:頭兩塊好靚，原來最後個塊超肥，有60%都係肥豬肉。扣肉整得好香，如果最後個塊同其他兩塊都一樣就更好。