影片
更多
2023-09-22
38 瀏覽
餐廳首創蒟蒻料理，提供各款蒟蒻飯同蒟蒻麵可以揀，就算出街食都可以食得健康啲！估唔到蒟蒻嘅口感都可以煮到咁好食，煮完出嚟一啲奇怪嘅味道都冇，加上一啲優質蛋白質，同平時出去食嘅撈麵炒飯差唔多，完全兼顧到均勻營養！佢仲有一啲串燒🍢、其他小食類可以選擇，品項幾多，而且都係用低油低糖嘅做法，健康無負擔！餐廳座位唔算太多，平時午市時段嚟到都幾爆場，見到都有唔少客人外賣自取，平時想食得健康啲又覺得食沙律🥗太寡，絕對可以試吓呢間！👍🏻------------------------------🦪◖蒜香辣椒焗蠔蒟蒻飯◗ $88有兩隻蒜蓉焗蠔，蠔肉唔算太大粒，但都多汁鮮甜！蒟蒻飯粒粒分明，好濃郁嘅野菌香味，加入紅蘿蔔絲、青瓜絲呢啲蔬菜拌炒，有口感得嚟一啲都唔覺得寡！🍜◖鹽焗手撕雞撈蒟蒻麵◗ $58蒟蒻麵上面放咗好多紅蘿蔔絲同青瓜絲，鹽焗手撕雞另上，用涼拌嘅方式，先加入手撕雞，再倒入撈麵汁，酸酸甜甜咁，有啲似越南撈檬嘅感覺，好清新！手撕雞肉質調味都唔錯，淡淡嘅麻油香，撈埋個蒟蒻麵，口感好豐富！🐓◖雞心◗ $18佢啲串燒有三款口味可以揀，分別係黯然味、沙嗲味同埋椒鹽味，揀咗黯然味，食得出孜然粉嘅香氣，幾實淨有
------------------------------
🦪◖蒜香辣椒焗蠔蒟蒻飯◗ $88
有兩隻蒜蓉焗蠔，蠔肉唔算太大粒，但都多汁鮮甜！蒟蒻飯粒粒分明，好濃郁嘅野菌香味，加入紅蘿蔔絲、青瓜絲呢啲蔬菜拌炒，有口感得嚟一啲都唔覺得寡！
🍜◖鹽焗手撕雞撈蒟蒻麵◗ $58
蒟蒻麵上面放咗好多紅蘿蔔絲同青瓜絲，鹽焗手撕雞另上，用涼拌嘅方式，先加入手撕雞，再倒入撈麵汁，酸酸甜甜咁，有啲似越南撈檬嘅感覺，好清新！手撕雞肉質調味都唔錯，淡淡嘅麻油香，撈埋個蒟蒻麵，口感好豐富！
🐓◖雞心◗ $18
佢啲串燒有三款口味可以揀，分別係黯然味、沙嗲味同埋椒鹽味，揀咗黯然味，食得出孜然粉嘅香氣，幾實淨有咬口，唔油膩又惹味！
🍤◖自家手打蝦餅◗ $58
蝦餅切片，裏面夾雜咗蝦肉，夠彈牙，用烤箱烤焗，出到嚟外層有脆皮嘅感覺，完全唔油膩！
🥬◖自家雞湯浸娃娃菜◗ $28
佢哋另一個招牌菜式就係自家湯品，用咗自家熬煮嘅雞湯煮娃娃菜，湯底好清甜一啲都唔油，娃娃菜吸滿湯汁，食落鮮甜多汁！
🍆◖蒜香茄子◗ $32
呢個茄子好大條，而且價錢唔貴，亦都冇坊間食到嘅燒茄子咁油，但味道都夠！同樣用烤箱烤焗，面頭鋪咗孜然粉同辣椒粉呢啲，再放上蒜蓉，食落好香好多汁！
🍑◖桃香烏龍冷泡茶◗ 跟餐+$8
帶有白桃嘅香氣，飲落給清新，茶底比較澀
🍵◖梨山烏龍冷泡茶◗ 跟餐+$8
呢個烏龍味道比較清，
🌟Encore指數：8.9/10
張貼
