影片
更多
2005-08-15
809 瀏覽
行完IFC過搵食, 經過見人少少(應該話無客), 咁就不如一試呢度匈牙利菜啦!有set lunch, 有湯有主菜同甜品3個courses; 湯有3款, 我揀Goulash Soup, 話晒招牌梗要試啦! 有點點像牛尾湯, 有牛肉, 薯仔, 好微辣, 味道比想像中淡, 唔算有個性.主菜3個人share就試3款, 一個係煎豬扒, 幾香但塊扒唔夠肉味; 另外亦叫個紅椒雞肉, 個人覺得個汁唔出, 不過雞炆得好腍滑; 仲試個青椒配煎芝士, 煎過芝士略苦但香口, 青椒亦好爽甜. 佢地主菜會配好似麵粉粒物體當飯, 味道好淡但口感幾得意.甜品我要個Blueberry Cream, 一杯上, 麻麻地! 另外餐廳亦送個afternoon tea cake俾我地試, 有點像蘋果批, 但皮唔同, 而且中間料無一般蘋果批咁甜, 但都膩, 應該落豬油膏咁上下, 少似老婆餅.裝修簡單到暈, 但勝在乾淨企理, 亦坐得舒服, 只係有少少具匈牙利色彩裝飾一兩件! 服務唔錯, 經理, 大廚都會細心推介同問你有咩需要等等...不過, 可能而家人少少就做得好囉, 多人就唔知喇!
有set lunch, 有湯有主菜同甜品3個courses; 湯有3款, 我揀Goulash Soup, 話晒招牌梗要試啦! 有點點像牛尾湯, 有牛肉, 薯仔, 好微辣, 味道比想像中淡, 唔算有個性.
主菜3個人share就試3款, 一個係煎豬扒, 幾香但塊扒唔夠肉味; 另外亦叫個紅椒雞肉, 個人覺得個汁唔出, 不過雞炆得好腍滑; 仲試個青椒配煎芝士, 煎過芝士略苦但香口, 青椒亦好爽甜. 佢地主菜會配好似麵粉粒物體當飯, 味道好淡但口感幾得意.
甜品我要個Blueberry Cream, 一杯上, 麻麻地! 另外餐廳亦送個afternoon tea cake俾我地試, 有點像蘋果批, 但皮唔同, 而且中間料無一般蘋果批咁甜, 但都膩, 應該落豬油膏咁上下, 少似老婆餅.
裝修簡單到暈, 但勝在乾淨企理, 亦坐得舒服, 只係有少少具匈牙利色彩裝飾一兩件!
服務唔錯, 經理, 大廚都會細心推介同問你有咩需要等等...不過, 可能而家人少少就做得好囉, 多人就唔知喇!
張貼