郴州魚粉

營業中

休息中

因公司同內地經常有來往，間中同國內同事聊起有咩好食，同事就推介我來試下佢家鄉菜。餐廳位於界限街，地鐵站行幾分鐘就到，都算方便。餐廳面積唔大，太約十幾個位，今日大約七點來到，唔需要等位。餐牌比較簡單，有6款粉揀，另外亦有幾款小食。今日叫咗郴州魚腩粉及泡椒雞翼。泡椒雞翼 :三隻盛惠廿蚊，雞翼醃得入味，入口時只有微辣，但一路食辣味就慢慢滲出黎，越食越開胃。郴州魚腩粉 :因為唔知有幾辣，所以只係叫咗小辣。上檯時香氣十足，湯頭望落唔覺得辣，但一飲就知唔係清湯咁簡單，同麻辣嘅刺激感唔同，米椒湯飲落感覺清新，辣味慢慢湧出黎，辣得好舒服。魚腩夠滑夠淋，骨比想像中少，唔會食到好累。總括黎講，呢間小店嘅魚粉唔係好多地方食到，下次有機會真要試埋其他粉類。