影片
更多
2021-06-15
247 瀏覽
連續放4日假，喺屋企吽到悶悶哋就落咗去食個下午茶。金記喺大埔開咗一段時間但我都冇乜機會嚟，今日就貪佢近近哋，menu又多嘢揀，就試一試。餐廳用咗QR code落單system，個人幾鍾意呢種落餐方式，唔駛等侍應行過嚟，唔會等極都冇人嚟丫嘛嗌咗一個XO醬海鮮炒烏冬，加羅宋湯同無冰奶茶，落完冇幾耐湯同奶茶就上枱。羅宋湯都幾多料，味道偏酸，都幾開胃。奶茶好飲！奶嘅比例比茶多少少，飲落淡奶味較重，好滑，味道好啱我口味，加上佢係無冰，飲到最後都仲係好濃滑，呢個雖然貴少少但一定要嗌！炒烏冬上枱時出哂煙，調味唔錯，XO醬俾得唔會太姑寒，食到有蝦米，海鮮有蝦、蜆、魷魚，份量都ok，當中大粒嘅蝦較少，細細粒嘅蜆較多，因為烏冬比較粗，海鮮太細粒會覺得冇乜存在感，相信如果蝦多啲會俾人感覺足料啲。食完烏冬個肚仲有quota，就追加多個炸雞翼同西多配雪糕。炸雞翼外皮金黃香脆，肉質保持到嫩滑，但個人喜好重口味，覺得稍為淡口咗啲啲，如果醃得耐少少會更好。西多士配雪糕上枱賣相唔錯，多士炸得金黃，食落唔會油淋淋，亦冇油益味，配埋雲尼拿雪糕一凍一熱好啱夏天，只係如果蛋味再香啲會更好。兩個女仔食飽飽，飽到夜晚果餐都慳返，都
餐廳用咗QR code落單system，個人幾鍾意呢種落餐方式，唔駛等侍應行過嚟，唔會等極都冇人嚟丫嘛[笑哭]
嗌咗一個XO醬海鮮炒烏冬，加羅宋湯同無冰奶茶，落完冇幾耐湯同奶茶就上枱。
羅宋湯都幾多料，味道偏酸，都幾開胃。
奶茶好飲！奶嘅比例比茶多少少，飲落淡奶味較重，好滑，味道好啱我口味，加上佢係無冰，飲到最後都仲係好濃滑，呢個雖然貴少少但一定要嗌！
炒烏冬上枱時出哂煙，調味唔錯，XO醬俾得唔會太姑寒，食到有蝦米，海鮮有蝦、蜆、魷魚，份量都ok，當中大粒嘅蝦較少，細細粒嘅蜆較多，因為烏冬比較粗，海鮮太細粒會覺得冇乜存在感，相信如果蝦多啲會俾人感覺足料啲。
食完烏冬個肚仲有quota，就追加多個炸雞翼同西多配雪糕。
炸雞翼外皮金黃香脆，肉質保持到嫩滑，但個人喜好重口味，覺得稍為淡口咗啲啲，如果醃得耐少少會更好。
西多士配雪糕上枱賣相唔錯，多士炸得金黃，食落唔會油淋淋，亦冇油益味，配埋雲尼拿雪糕一凍一熱好啱夏天，只係如果蛋味再香啲會更好。
兩個女仔食飽飽，飽到夜晚果餐都慳返，都只係$150左右，個人覺得性價比嚟講幾好，食物質素就係冰室之中中上水平，可以再encore😆
張貼
