胡爐 (已結業)

呢間打邊爐既鮮椰青雞鍋好特別。店員會上左裝著鮮雞件、椰子條等等既銅鍋，同埋一個開左口既椰青先，然後會現場係客人面前炒雞，炒既時候香氣撲鼻，椰子味好濃，令人食慾大振，之後店員會倒少少料酒（具體係咩酒就唔太清楚）入鍋，再用火機點燃，成個鍋就會燃起藍紫色既火焰，視覺效果驚艷。最後店員會倒入椰青水淋熄火焰同埋作為湯底，煮開之後打開特別香，係打邊爐之前可以飲左煲湯先，湯味鮮甜，清新暖胃，雞肉滑嫩。食完就可以請店員加湯打邊爐了。打邊爐既嘢就中規中矩，唔夠鍋底咁驚喜，不過食材都好新鮮。飛彈牛非常推薦，牛味好濃，肉質軟嫩。小食老友鬼鬼都幾好食，外皮香酥，內裡柔滑，好香口。